කාන්තාවන් සදහාම පමණක් වාහන නැවැත්වීමට හැකි රථ ගාලක් සම්බන්ධයෙන් තොරතුරු ඔස්ට්රේලියාවේ පර්ත් නුවරින් වාර්තා වනවා.
පර්ත් හී CBD රථගාලෙහි කාන්තාවන්ගේ වාහන නැවැත්වීම සදහා පමණයි යනුවෙන් සඳහන් කර ඇති කාන්තා රුවක් සහිත පුවරුවක් සවිකර තිබීම මේ දිනවල කාගේත් අවධානයට යොමුව ඇති බවයි වාර්තා වන්නේ.
එමෙන්ම මෙම පුවරුවත් සමග ඔස්ට්රේලියා රියදුරන් අතර යම් විවාදයක් ඇතිව තිබෙන බව ද සඳහන්.
ඇතැමුන් මෙය ප්රශංසාවට ලක්කර ඇති අතර තවත් පිරිසක් මෙම වෙන් කිරීම විවේචනයට ලක් කර තිබෙනවා.
බොහෝ විට කාන්තාවන්ගේ ආරක්ෂාව සහ පොදු අවකාශය තුළ සුවපහසුව යන කරුණු මුල්කරගනිමින් මෙම පියවර ගෙන ඇති අතර මෙම රථගාල උදෑසන 6 සිට මධ්යම රාත්රිය දක්වා විවෘතව තැබෙනු ඇති.
ඒ අනුව කාන්තාවන්ට කිසිදු බියකින් තොරව ඕනෑම වේලාවක තම වාහනයට පැමිණීමට අවස්ථාව මේ හරහා නිර්මානය වී තිබෙනවා.
පර්ත් හී පවතින පොදු රථගාල් 700කින් 28ක් තුළ මෙලෙස කාන්තාවන් සඳහා පමණක් ඉඩ වෙන් කිරීමට පියවර ගෙන ඇති අතර රථ ගාල් තුළ සිදුවන කාන්තා හිංසන අවම කිරීම මෙහි අරමුණයි.
