දින 4ක වැඩ සතිය නිසා සිදුවූ දේ වාර්තාවක් හෙළි කරයි

දින හතරක වැඩ සතියක් වෙනුවෙන් ලොව විශාලතම අත්හදා බැලීම අවසන් වී වසරකට පසුව ද ඊට සහභාගී වූ සමාගම්වලින් බහුතරයක් තවමත් සේවකයින්ට කෙටි සතියක් වැඩ කිරීමට ඉඩ ලබාදී ඇති බවට තොරතුරු අනාවරණ වී තිබෙනවා.

සමීක්ෂණයට එක් වූ සමාගම්වලින් භාගයකටත් වඩා වැඩි ප්‍රමාණයක් නව වෙනස ස්ථිර කර ඇති බව සඳහන්.

2022 වසරේ ජූනි සහ දෙසැම්බර් අතර මාස හයක් පුරා, එක්සත් රාජධානියේ ආයතන 61ක කම්කරුවන් ඔවුන්ගේ සාමාන්‍ය වැඩ කරන පැයවලින් සියයට 80ක් පමණක් සතියකට දින 4ක් එම වැටුපටම සේවා කටයුතුවල නිරත වුණා.

2023 වසර අවසානය වන විට ද එම සමාගම්වලින් අවම වශයෙන් සියයට 89ක් තවමත් අදාළ ප්‍රතිපත්තිය ක්‍රියාත්මක කරමින් සිටින බවයි වාර්තා වන්නේ.

එක් සමීක්ෂණ වාර්තාවකට අනුව අවම වශයෙන් සමාගම් සියයට 51ක් දින හතරේ සතිය ස්ථිර කර ඇතැයි සඳහන්.

කේම්බ්‍රිජ් සහ ඔක්ස්ෆර්ඩ් විශ්ව විද්‍යාල පර්යේෂකයන් සමඟ සහයෝගීතාවයෙන් දින 4ක වැඩ සතියක් ව්‍යාපාරය ක්‍රියාත්මක කළ එක්සත් රාජධානියේ ඔටෝනොමි විසින් මෙම අධ්‍යයන වාර්තාව නිකුත් කර තිබෙනවා.

වැඩ කරන පැය ගණන අඩු කිරීම කාර්ය මණ්ඩලයට සහ ඔවුන්ගේ සමාගම්වලට අතිශයින් ප්‍රයෝජනවත් වී ඇති බව වාර්තාවේ දැක්වෙනවා.

කොවිඩ් වසංගතය අතරතුර මිලියන ගණනක් වූ සේවකයින් දුරස්ථ සේවයට මාරුවීම, ගමනාගමන අපහසුව මෙන්ම කාලය සහ මුදල් ඉතිරි කර ගැනීම හමුවේ වැඩ කරන සතිය කෙටි කිරීම සඳහා වන ඉල්ලීම් ඉහළ යමින් ඇති බවයි සඳහන් වන්නේ.

2022 වසරේ අත්හදා බැලීම සඳහා සහභාගී වූ ආයතන 61න් අඩකට ආසන්න ප්‍රමාණයක් අලෙවිකරණය සහ ප්‍රචාරණය, වෘත්තීය සේවා සහ ලාභ නොලබන අංශයේ වනවා.

ඉතිරිය ඉදිකිරීම්, නිෂ්පාදන, සිල්ලර, සෞඛ්‍ය සේවා, කලා සහ විනෝදාස්වාදය ඇතුළු කර්මාන්තවලට අයත් වුණා.

ඔස්ට්‍රේලියාවේ විශ්වවිද්‍යාල මණ්ඩපයක් ශ්‍රී ලංකාවට

ශ්‍රී ලාංකීය සිසුන්ට ජාත්‍යන්තර මට්ටමේ උසස් අධ්‍යාපන අවස්ථා ඉහළ නංවමින් ඔස්ට්‍රේලියාවේ ෆ්ලින්ඩර්ස් විශ්වවිද්‍යාලය (Flinders University) සිය විශ්වවිද්‍යාල මණ්ඩපයක් ශ්‍රී ලංකාවේ ආරම්භ කිරීමට ද සැලසුම් කර තිබෙනවා.

Read More »

ලිතියම් බැටරි ජීවිත 16ක් නැති කරයි

ලිතියම් බැටරි කිහිපයක් පුපුරා යාමෙන් පසු ඇති වූ දැවැන්ත ගින්නකින් දකුණු කොරියාවේ කම්හලක සේවයේ නිරතව සිටි පුද්ගලයන් 16 දෙනෙකු ජීවිතක්ෂයට පත්ව තිබෙනවා.

Read More »

මෙල්බන්වල ක්‍රිකට් ලෝලීන්ට T20 තරග බලන්න සුපිරි ක්‍රීඩකයෙකුගෙන් අවන්හලක්

Amazon Prime Video සමාගම විසින් එහි සන්නාම තානාපති මෙන්ම ඔස්ට්‍රේලියා ටෙස්ට් ක්‍රීඩක Usman Khawaja සමග එක්ව මෙල්බන්හි Prime Cafe නමින් අවන්හලක් ආරම්භ කර තිබෙනවා.

Read More »

ලබන සතියේ සිට ඔස්ට්‍රේලියානුවන් අතට වැඩි මුදලක් ලැබෙන හැටි

තුන්වන අධියරේ බදු කප්පාදුවත් සමග ලබන සඳුදා සිට ඔස්ට්‍රේලියානුවන්ට වැටුප් වැඩි වීමකට සමාන ආකාරයෙන් වැඩි මුදලක් ලැබීමට නියමිතව තිබෙනවා.

Read More »

තත්පරයකටත් අඩු කාලයකදී Rubik cube එකක් නිවැරදිව සකස් කර නව ගිනස් වාර්තාවක්

තත්පරයකටත් අඩු කාලයකදී Rubik’s cube එකක් නිවැරදිව සකසා ලෝක වාර්තාවක් පිහිටුවීමට ජපාන රොබෝ යන්ත්‍රයක් සමත්ව තිබෙනවා.

Read More »