වික්ටෝරියා ප්‍රාන්තයේ ලැව්ගිනි තවත් දරුණු අතට හැරෙයි

වික්ටෝරියා ප්‍රාන්තයේ පැතිර යන ලැව්ගිනි හමුවේ නිවාස 6ක් මේ වන විට විනාශ වී ඇතැයි තොරතුරු අනාවරණ වී තිබෙනවා.

හදිසි සේවා ඇමති ජැක්ලින් සයිම්ස් සඳහන් කළේ අද දිනයේදී ගිනි නිවන භටයින් 550ක් පමණ ගින්න මැඩපැවැත්වීමේ උත්සාහයන්වල නිරතව සිටින බවයි.

මේ දක්වා ගින්නෙන් සිදු වූ බලපෑම් තක්සේරු කිරීම් 228ක් සිදු කර ඇති අතර නේවාසික නිවාස හයක් විනාශ වී ඇති බවයි සයිම්ස් පැවසුවේ.

වික්ටෝරියා ප්‍රාන්තයේ බටහිර ප්‍රදේශයේ පාලනයෙන් තොරව පැතිර යන ලැව්ගින්න හේතුවෙන් එම ප්‍රදේශයේ ජනතාවට තවමත් නිවෙස් බලා යාම අනාරක්ෂිත බව සඳහන්.

උණුසුම් කාලගුණික තත්ත්වයන් ඉදිරියටත් පැවතිය හැකි බවට කාලගුණ අංශ පුරෝකථනය කර ඇති බැවින් ඉදිරි සතිය තුළ ද ලැව් ගිනි හටගනු ඇති බවටයි විශ්වාස කෙරෙන්නේ.

බයින්දීන් (Bayindeen) ප්‍රදේශයේ ලැව්ගින්න හේතුවෙන් බැරලට් (Ballarat) ආසන්නයේ හෙක්ටයාර 16,000කට ආසන්න ප්‍රදේශයක් විනාශ වී තිබෙනවා.

2020 වසරෙන් පසු වික්ටෝරියා ප්‍රාන්තයේ ඇති වූ දරුණුතම ලැව්ගිනි තත්වය මෙය විය හැකි බවටයි අනතුරු අඟවා ඇත්තේ.

මේ හේතුවෙන් ආරක්‍ෂිත පියවර අනුගමනය කර අවධානයෙන් පසුවන ලෙසට අගමැතිනි ජසින්ටා ඇලන් නිවැසියන්ගෙන් ඉල්ලා තිබෙනවා.

පර්ත් අවට මුහුදු තීරයට යන අයට අනතුරු ඇඟවීමක්

පර්ත් ආසන්න මුහුදු තීරයේ ඇති ඇල්ගී විශේෂයක් හේතුවෙන් පර්ත් හි සංචාරය කරන්නන්ට මුහුදේ දිය නෑම පිළිබඳ අනතුරු ඇඟවීමක් නිකුත් කර තිබෙනවා.

Read More »

ශ්‍රී ලංකාවේ හිටපු හමුදා සාමාජිකයන් Anzac Day පෙළපාලිවලට එක්වෙයි

මෙවර ඇන්සක් ඩේ සැමරුම් පෙළපාලි සඳහා ශ්‍රී ලංකාවේ හිටපු ත්‍රිවිධ හමුදා සාමාජිකයින් රැසක් ද ඔස්ට්‍රේලියාවේ මෙල්බන් නගරයට ඒකරාශී වී තිබෙනවා.

Read More »

ග්‍රීසියේ ඇතන්ස් නගරය අඟහරුට සමාන වෙයි

සහරා කාන්තාරයෙන් පැමිණෙන දූවිලි වලාකුළු සමඟ ග්‍රීසියේ ඇතන්ස් නගරයට ඉහළින් අඟහරු ග්‍රහ ලෝකයට සමාන තැඹිලි පැහැති දුමාරයක් මතුවී ඇතැයි වාර්තා වනවා.

Read More »

උමා ඔයේ සේවිකාවන් දෙදෙනෙකුට වෙන් වූ ජනන යන්ත්‍ර

උමා ඔය බහුකාර්ය සංවර්ධන ව්‍යාපෘතිය ඉදිකිරීමේදී ලැබුණු සහාය අගයමින් ජල විදුලි සංකීර්ණයේ ජනන යන්ත්‍ර දෙකක් කාන්තා සේවිකාවන් දෙදෙනෙකුගේ නමින් නම් කර තිබෙනවා.

Read More »

ඔස්ට්‍රේලියාවේ Post Study Visa ලබා ගැනීමට හැකි වයස් සීමාව අඩු කෙරේ

ඔස්ට්‍රේලියාවේ පශ්චාත් අධ්‍යයන වීසා සඳහා බලපාන වයස අවුරුදු 35 දක්වා සීමා කිරීමට ස්වදේශ කටයුතු දෙපාර්තමේන්තුව තීරණය කර තිබෙනවා.

Read More »