අවන්හල්වල එළු මස් පරිභෝජනය ප්‍රවර්ධනයට ඔස්ට්‍රේලියාවේ මස් සහ පශු සම්පත් කර්මාන්ත බලධාරීන් සැලසුම් කර තිබෙනවා.
දැනට රට තුල නිෂ්පාදනය කෙරෙන මස්වලින් දේශීය පරිභෝජනය සඳහා යොදා ගැනෙන්නේ සියයට 10ක පමණ ප්‍රමාණයක්.
එළු මස් අඩංගු ආහාර නිෂ්පාදන වැඩි වශයෙන් අත්හදා බැලීමට නව වැඩසටහන මගින් සූපවේදීන් සහ ආපනශාලා හිමියන් දිරිමත් කිරීමට නියමිතයි.
ඔස්ට්‍රේලියාව ලොව විශාලතම එළුවන් අපනයනය කරන්නා වන අතර මස් සහ පශු සම්පත් කර්මාන්තයට අවශ්‍ය වී ඇත්තේ දේශීය අවන්හල්වල ඒවා ප්‍රවර්ධනයටයි.
ඔස්ට්‍රේලියාවේ එළු මස් ජාත්‍යන්තර රටවල් රැසක අවන්හල්වල ජනප්‍රිය මස් වර්ගයක් වනවා.
එහෙත් ඔස්ට්‍රේලියානුවන් එය ඔවුන්ගේ ආහාර වේලට එකතු කර ගැනීමේ අඩුවක් දක්නට ලැබෙන බවයි වාර්තා වන්නේ.
මස් නිෂ්පාදනයෙන් සියයට 90ක් පමණ අපනයනය කෙරෙන අතර, ගෘහස්ත පරිභෝජනය සඳහා ඉතිරි වන්නේ සුළු ප්‍රමාණයක් පමණයි.
ඔස්ට්‍රේලියාවේ මස් සහ පශු සම්පත් වෙළඳපල කළමනාකරු ග්‍රේම් යාර්ඩි පැවසුවේ නව වැඩසටහන පාරිභෝගිකයින් වෙත ළඟා වීමට තරමක් අපහසු නමුත් කර්මාන්තයේ වර්ධනය සඳහා විශාල ප්‍රයෝජනයක් වනු ඇති බවයි.
