ටේලර් ස්විෆ්ට්ගේ ප්‍රසංගයට යන අතරමගදී ලැබුණු ජීවිතය වෙනස් කළ ඇමතුම

ටේලර් ස්විෆ්ට්ගේ සිඩ්නි නුවර පළමු ප්‍රසංගයට යන අතරතුර ලැබුණු දුරකථන ඇමතුමකින් ජීවිතය වෙනස් වූ කාන්තාවක් පිළිබඳ තොරතුරු වාර්තා වනවා.

බොහෝ ටේලර් ස්විෆ්ට් රසිකයන්ට මෙවර ප්‍රසංග මාලාවට ප්‍රවේශ පත්‍රයක් හිමි වීම කිසිසේත්ම අතපසු කළ නොහැකි අවස්ථාවක් ලෙසටයි සැලකෙන්නේ.

නමුත් ක්වීන්ස්ලන්ඩ් ප්‍රාන්තයේ කාන්තාවක් වූ තමරා ග්‍රේ පළමු සිඩ්නි ප්‍රසංගයට යන අතරමගදී ලැබුණු ජීවිතය වෙනස් කළ දුරකථන ඇමතුම හේතුවෙන් ප්‍රසංගය නැරඹීම අත්හැර දැමීමට තීරණය කර තිබෙනවා.

රෝහලෙන් පැමිණි එම ඇමතුමෙන් ප්‍රකාශ වී ඇත්තේ මෙම කාන්තාවට ගැලපෙන වකුගඩුවක් ලැබී ඇති බවටයි.

35 හැවිරිදි ඇය වකුගඩු බද්ධ කිරීමේ සැත්කමක් සඳහා පොරොත්තු ලේඛනයක සිට ඇති අතර, ඇය සිඩ්නි වෙත ගමන් කිරීම සඳහා ගෝල්ඩ් කෝස්ට් ගුවන් තොටුපළට යන අවස්ථාවේදී යි මෙම පරිත්‍යාගය පිළිබඳ ඇමතුම ලැබී ඇත්තේ.

මෙවැනි අවස්ථාවක් පැමිණෙනු ඇතැයි කිසි විටෙකත් අපේක්ෂා නොකළ තමා ඊට එකහෙළාම එකඟ වූ බව ඇය සඳහන් කළා.

සිඩ්නි දක්වා ගමන් කිරීමට ගුවන් යානයේ අසුන්ගෙන සිටියේ නම් රෝහලින් ලැබුණු මෙම ඇමතුම ඇයට මඟ හැරෙනු ඇති අතර පොරොත්තු ලේඛණයේ සිටින ඊළඟ අපේක්ෂකයාට එය හිමි වනු ඇති.

සැත්කමට ලක්වූ කාන්තාව මේවන විට සුවය ලබමින් සිටින අතර යුරෝපයේ හෝ වෙනත් ස්ථානයක පැවැත්වෙන ටේලර් ස්විෆ්ට්ගේ ප්‍රසංගයකට යාා හැකි බවට ඇයගේ මිතුරු මිතුරියන් ප්‍රකාශ කර තිබෙනවා.

පැතිර යන රෝගයක් නිසා NSW සෞඛ්‍ය අංශවලින් අනතුරු ඇඟවීමක්

පැතිර යන රෝගයක් නිසා NSW සෞඛ්‍ය අංශවලින් අනතුරු ඇඟවීමක්නිව් සවුත් වේල්ස් ප්‍රාන්තයේ ඉන්ෆ්ලුවෙන්සා රෝගීන් සංඛ්‍යාව සියයට 33කින් ඉහළ ගොස් තිබෙනවා.

Read More »

උත්සවවලට අවශ්‍යම වන ද්‍රව්‍ය කිහිපයකට NSW ප්‍රාන්ත කවුන්සිලයකින් තහනමක්

නිව් සවුත්වේල්ස් ප්‍රාන්තයේ බයිරන් බේ කවුන්සිලය විසින් සැරසිලි ද්‍රව්‍ය කිහිපයක් සඳහා තහනමක් පැනවීමට පියවර ගෙන තිබෙනවා.

Read More »

හැමෝටම බලපාන හේතුවක් නිසා ඔස්ට්‍රේලියාවේ නගර කිහිපයක් මුල් තැනට එයි

එළඹෙන මූල්‍ය වර්ෂයේදී නිවාස මිල වැඩි වශයෙන් ඉහළ යන නගර අතුරින් පර්ත්, ඇඩිලේඩ්, සිඩ්නි සහ බ්‍රිස්බේන් මුල් තැනට පත්වනු ඇතැයි නව සමීක්ෂණ මගින් තහවුරු වී තිබෙනවා.

Read More »

රුධිර පරිත්‍යාගයෙන් මෙල්බන් පදිංචිකරුවෙක් වාර්තාවක් පිහිටුවයි

877 වන වරටත් රුධිරය පරිත්‍යාග කිරීමෙන් පසු මෙල්බර්න් නගරයේ ජීවත් වන පුද්ගලයෙක් ඔස්ට්‍රේලියාවේ වඩාත්ම ක්‍රියාකාරී රුධිර පරිත්‍යාගශීලියා බවට පත් වී තිබෙනවා.

Read More »