ඔස්ට්‍රේලියාවේ ප්‍රාන්ත සහ ෆෙඩරල් රජය විශ්ව විද්‍යාල තුළ ලිංගික හිංසන මැඩලීමේ ජාතික ක්‍රියාකාරී සැලැස්මකට එකඟ වී තිබෙනවා.
මේ අනුව ලිංගික අතවර අවම කිරීමේ නව ප්‍රතිසංස්කරණ යටතේ ජාතික ආචාර ධර්ම පද්ධතියකට සියලු විශ්වවිද්‍යාල යටත් වීමට නියමිතයි.
අනිවාර්ය වාර්තා කිරීම, නව චර්යාධර්ම පද්ධතියක් සහ සරසවි තුළ ගන්නා ක්‍රියාමාර්ග නිර්දේශ කිරීමේ බලය ඇති ස්වාධීන ශිෂ්‍ය ඔම්බුඩ්ස්මන්වරයෙකු පත් කිරීම නව සැලැස්මට ඇතුළත්.
ලිංගික හිංසන සම්බන්ධයෙන් විරෝධය දක්වන කණ්ඩායම් පවසන්නේ මෙම ගැටලුව සම්බන්ධයෙන් තවත් බොහෝ පියවර ගත යුතු වුවත් මෙම සැලැස්ම මූලික පියවරක් ලෙසට පිළිගන්නා බවයි.
ස්වාධීන ශිෂ්‍ය ඔම්බුඩ්ස්මන්වරයෙකු ද සැලැස්මට ඇතුළත් කිරීම මගින් මෙම ගැටලුව සම්බන්ධයෙන් වඩාත් පුළුල් ලෙස සිසුන්ගේ පැමිණිලි ඉදිරිපත් කිරීමට හැකි වනු ඇතැයි අපේක්ෂිතයි.
නවතම ජාතික ශිෂ්‍ය සුරක්ෂිතතා සමීක්ෂණයට අනුව 2020 වසරේ සිට සෑම වසරකම විශ්වවිද්‍යාල තුළ සිසුන් 14,300ක් ලිංගික හිංසනයට ලක්වන බව සොයාගෙන තිබෙනවා.
2017 වසරේ සිට ලිංගික ප්‍රචණ්ඩත්වය සම්බන්ධයෙන් විශ්වවිද්‍යාල කටයුතු කර ඇති ආකාරය පිළිබඳව පැමිණිලි 39ක් ලැබී තිබුන තිබුණ ද ඒ කිසිවක් සම්බන්ධයෙන් විධිමත් පරීක්‍ෂණයක් සිදුවී නොමැති බවටයි චෝදනා එල්ලවී ඇත්තේ.
