ඔස්ට්‍රේලියානුවන් සූදුව නොහොත් ගැම්බ්ලින් සඳහා ඇබ්බැහිවීම මහජන සෞඛ්‍ය අර්බුදයක් දක්වා වර්ධනය විය හැකි බව නවතම අධ්‍යයනයකදී හෙළිව තිබෙනවා.
මෙම තත්ත්වය තරුණ ඔස්ට්‍රේලියානුවන් අතර වැඩි වශයෙන් පවතින බවයි වාර්තා වන්නේ.
මේ අතර අන්තර්ජාලය ඔස්සේ ඔට්ටු ඇල්ලීම ට ද තරුණ ඔස්ට්‍රේලියානුවන් වැඩිවශයෙන් යොමුව ඇති බව එම වාර්තා පෙන්වා දෙනවා.
ස්ව කැමැත්තෙක්ම අන්තර්ජාල ඔට්ටු ඇල්ලීම් සහ ගැම්බ්ලින් ක්‍රිඩාවල නිරතවීමෙන් ඉවත් වීමට ඉල්ලුම් කරන ඔස්ට්‍රේලියානුවන්ට ඒ සඳහා අවස්ථාව ලබා දීමට ෆෙඩරල් රජය පියවර ගෙන තිබෙනවා
ඕනෑම් කෙනෙකු ස්ව කැමැත්තෙන් ඉන් ඉවත් වීමට කැමැත්තක් දක්වන්නේ නම් එම වෙබ් අඩවි වෙත ප්‍රවේශ වීම වැලැක්වීම නොහොත් බේට් ස්ටොප් ක්‍රියාවලිය සඳහා සම්බන්ධ විය හැකියි.
විශේෂයෙන් 18000කට වැඩි ඔස්ට්‍රේලියානුවන් පිරිසක් මෙලෙස ස්ව කැමැත්නේම සූදු ක්‍රීඩාවට වාරණයක් පනවා ගැනීමට බේට් ස්ටොප් හරහා ලියාපදංචි වී තිබෙනවා.
එම පිරිස අතර වැඩි පිරිසක් වයස අවුරුදු 40ට අඩු අය වීම විශේෂත්වයක්.
