වෙනස් වැඩක් සමග පෞද්ගලික සමාගමක් සඳ තරණයේ ඉතිහාසය අලුත් කරයි

සඳ මත අභ්‍යවකාශ යානයක් සාර්ථකව ගොඩ බැස්වූ පළමු පුද්ගලික සමාගම බවට ඇමරිකා එක්සත් ජනපද සමාගමක් වන ඉන්ටුඅටිව් මැෂින්ස් (Intuitive Machines) ඉතිහාසයට එක් වී තිබෙනවා.

ඔඩිසියස් (Odysseus) යන අන්වර්ථ නාමයෙන් හඳුන්වන මෙම අභ්‍යවකාශ යානය චන්ද්‍රයාගේ දක්ෂිණ ධ්‍රැවය ආසන්නයට සාර්ථකව ගොඩ බස්වනු ලැබූ බවයි විදෙස් මාධ්‍ය වාර්තා කළේ.

විද්‍යාඥයන් බලාපොරොත්තු වන්නේ එහි ජල මූලාශ්‍රයක් තිබිය හැකි බවයි.

අභ්‍යවකාශ යානය පසුගිය බ්‍රහස්පතින්දා ෆ්ලොරිඩාවේ කේප් කැනවරල් තුඩුවෙන් පිටත් වීමෙන් පසු පෘථිවියේ සිට කිලෝමීටර් 384,400ක් සඳ වෙත ගමන් කර තිබෙනවා.

සඳ මතුපිට අධ්‍යයනය කිරීමට සහ රේඩියෝ තරංග මැනීමට උපකාර වන විද්‍යාත්මක උපකරණ හයක් යානයේ රැගෙන යාමට නාසා ආයතනය විසින් ඉන්ටුඅටිව් මැෂින්ස් සමග ගිවිසුම් ගත වී තිබුණා.

හූස්ටන් නුවර ස්ථාපිත සමාගම එළඹෙන මාර්තු මාසයේදී තවත් අභ්‍යවකාශ යානයක් යැවීමට බලාපොරොත්තු වන අතර එය සඳෙහි භූගත අයිස් සොයා ගැනීමට කටයුතු කරනු ඇති.

ඔඩිසියස් යානය විසින් ඇමරිකා එක්සත් ජනපද චිත්‍ර ශිල්පී ජෙෆ් කූන්ස් විසින් නිර්මාණය ලද කුඩා මූර්ති 125ක් ද රැගෙන යන අතර, ඒවා සඳ මතුපිටට ගොඩබසින පළමු කලා කෘති බවට පත් වනවා.

ක්වීන්ස්ලන්ඩ්හි ශත 50 පොදු ප්‍රවාහන ගාස්තුවට බාධකයක්

අමතර රාජ්‍ය අරමුදල් යෙදවීමක් නොමැති වීම හේතුවෙන් පොදු ප්‍රවාහනයට නියම කළ ශත 50 ගාස්තුව ගැටළුවක් වනු ඇති බව බ්‍රිස්බේන් නගර සභාව අනතුරු අඟවනවා.

Read More »

ඇඩිලේඩ්හි සාප්පු සංකීර්ණයක් වැසූ පොලිස් මෙහෙයුම ගැන සියල්ල හෙළිවෙයි

දකුණු ඇඩිලේඩ් හි වෙස්ට්ෆීල්ඩ් මේරියන් සාප්පු මධ්‍යස්ථානයේ (Marion Shopping Centre) සිදු වූ හදිසි පොලිස් මෙහෙයුම තරුණයන් පිරිසක් අතර ඇතිවූ ගැටුමක් බව පොලිසිය පවසනවා.

Read More »

ජනප්‍රිය සංචාරක ගමනාන්තයකට මෙල්බන් සිට නව ගුවන් සේවාවක්

Jetstar සමාගම විසින් ජනප්‍රිය සංචාරක ගමනාන්තයක් වන ක්වීන්ස්ලන්ඩ්හි හර්වි බේ (Hervey Bay) දක්වා මෙල්බර්න් සිට නව ගුවන් සේවාවක් ආරම්භ කර තිබෙනවා.

Read More »

වික්ටෝරියා ප්‍රාන්තයේ සෞඛ්‍ය සේවාව ගැන තීරණයක්

වික්ටෝරියා ප්‍රාන්තයේ සෞඛ්‍ය සේවාව වෙනුවෙන් ලැබෙන අරමුදල් කප්පාදුවකට ප්‍රාන්ත රජය සූදානම් වන බවට තොරතුරු ලැබී ඇතැයි විපක්ෂ නායක ජෝන් පෙසුටෝ (John Pesutto) පවසනවා.

Read More »

ඇඩිලේඩ්හි වෙස්ට්ෆීල්ඩ් සාප්පු සංකීර්ණයක හදිසි පොලිස් මෙහෙයුමක්

ඇඩිලේඩ්හි Marion ප්‍රදේශයේ වෙස්ට්ෆීල්ඩ් සාප්පු මධ්‍යස්ථානයකට පැමිණි සන්නද්ධ පුද්ගලයෙක් හේතුවෙන් එහි ජනතාව ඉවත් කර විශේෂ මෙහෙයුමක් ආරම්භ කර තිබෙනවා.

Read More »