ජලයේ ලවණ ඉවත් කර පිරිපහදු කිරීමේ කම්හලක් අයර් (Eyre) අර්ධද්වීපයේ ඉදිකිරීම සඳහා ශක්‍යතා අධ්‍යයනයක් වෙනුවෙන් දකුණු ඔස්ට්‍රේලියානු රජය ඩොලර් මිලියන 100ක් වෙන් කර තිබෙනවා.
පතල් කැණීමේ දැවැන්තයෙක් වන වන BHP සමාගම ද මෙම අධ්‍යයනයට ඩොලර් මිලියන 77ක දායකත්වයක් ලබා දීමටයි සැලසුම් කර ඇත්තේ.
යෝජිත ජල ලවණීකරණ කම්හල සහ නල මාර්ගය සඳහා ඩොලර් බිලියන 5 කට වඩා වැඩි මුදලක් වැය වන අතර එමගින් නව රැකියා අවස්ථා 4,200ක් උත්පාදනය වනු ඇතැයි අපේක්ෂිතයි.
අයර් අර්ධද්වීපයේ දිනකට මෙගා ලීටර් 260ක ලවණ ඉවත් කිරීමේ බලාගාරය සහ කිලෝමීටර් 600ක පමණ නල මාර්ගයක් මෙම උතුරු ජල ව්‍යාපෘතියට අයත්.
අග්‍රාමාත්‍ය පීටර් මලිනවුස්කාස් පැවසුවේ ව්‍යාපෘතිය ප්‍රාන්ත ඉතිහාසයේ විශාලතම යටිතල පහසුකම් ආයෝජනය වනු ඇති බවයි.
එය සාර්ථක වුවහොත්, කේප් හාඩිහි ලවණ ඉවත් කිරීමේ කම්හල සහ නල මාර්ගය මගින් ප්‍රාන්තයේ උතුරේ පතල් හා කෘෂිකාර්මික කර්මාන්ත සඳහා තිරසාර ජල සැපයුමක් සපයනු ඇති.
මෙම ව්‍යාපෘතිය මගින් BHP සහ අනෙකුත් පතල් සමාගම්වල තඹ නිෂ්පාදනය වැඩි වනු ඇති බවට ද බලාපොරොත්තු වනවා.
