ශ්‍රී ලංකාවේ මොනරුන්ගෙන් ඔස්ට්‍රේලියාවේ නගරයකටත් පීඩා

උතුරු ඔස්ට්‍රේලියාවේ එලියට් නගරය ආසන්න ප්‍රදේශයේ ජනතාවට මොනරුන්ගෙන් දැඩි බලපෑම් එල්ලවී ඇතැයි තොරතුරු අනාවරණ වී තිබෙනවා.

මේ හේතුවෙන් නගරයේ මොනරුන් සංඛ්‍යාව පාලනය කිරීම සඳහා ඔවුන් හදා ගැනීමට කැමති අයට ලබාදීමේ වැඩසටහනක් ආරම්භ කර ඇති බවයි වාර්තා වන්නේ.

ප්‍රදේශවාසීන් පවසන්නේ මොනරුන් සෑම තැනකම මලපහ කිරීම, ගෙවතු විනාශ කිරීම මෙන්ම ඔවුන්ගේ අධික ශබ්දය තමන්ට හිරිහැරයක් බවයි.

කලාපයේ බලධාරීන් පිඩාකාරී පක්ෂීන් 26ක් රැක බලා ගැනීම සඳහා නව නිවාස සොයාගෙන ඇති අතර ඔවුන් අදාළ කූඩු සකස් කර ගැනීම මෙතෙක් අවසන් කර නැහැ

ඩාර්වින් නගරයට කිලෝමීටර් 700ක් පමණ දකුණින් පිහිටි එලියට්හි පදිංචිකරුවන් 290ක් පමණ ස්වභාවධර්මයේ තේජාන්විත සත්ත්වයෙකු වන මොනරුන්ගේ ගහනය වර්ධනය වීම හමුවේ පීඩාවට පත්ව සිටිනවා.

මොනරුන්ගේ නෙත් සිත් ප්‍රබෝධමත් කරන තේජාන්විත දර්ශනයට වඩා ඔවුන්ගෙන් සිදුවන පීඩාව ප්‍රදේශවාසීන්ගේ කෝපයට හේතු වී ඇතැයි සඳහන්.

බලධාරීන්ට මෙතෙක් හෙළි කර ගැනීමට නොහැකි වූ අබිරහසක් වී ඇත්තේ මෙම මොනරුන් එලියට් වෙත ගමන් කළේ කෙසේද යන්නයි.

ඔවුන් සිය නිජබිම වන ඉන්දියාව සහ ශ්‍රී ලංකාවේ වනාන්තරවලින් කිලෝමීටර් දහස් ගණනක් එපිට රටක තම පියාපත් විහිදුවමින් ආධිපත්‍ය පතුරවමින් සිටින බවයි බලධාරීන් පෙන්වා දෙන්නේ.

බාර්ක්ලි ප්‍රාදේශීය සභාවට අනුව දැනට මොනරුන් 30ක් පමණ සිටින අතර ඇතැම් ප්‍රදේශවාසීන් පවසන්නේ මොනරුන් 150ක් පමණ එලියට් ප්‍රදේශයේ ජීවත් වන බවයි.

උපුල් ශාන්ත සන්නස්ගලට ඇප

රුපියල් ලක්ෂ 10ක මූල්‍ය වංචාවක් සම්බන්ධයෙන් සැකපිට අත්අඩංගුවට ගත් හිටපු ජනප්‍රිය උපකාරක පන්ති ගුරුවරයෙකු වන උපුල් ශාන්ත සන්නස්ගල ඇප මත නිදහස් කර තිබෙනවා.

Read More »

TikTok තහනම් කෙරෙන පනතට ඇමරිකා ජනපති අත්සන් තබයි

ටික්ටොක් සමාජ මාධ්‍ය ජාලය අමෙරිකාව තුළ තහනම් කිරීමට අදාළ යෝජනාවට අමෙරිකානු ජනාධිපති ජෝ බයිඩ්න් අත්සන් තබා ඇතැයි විදෙස් මාධ්‍ය වාර්තා කරනවා.

Read More »

දකුණු ආසියාවේ පළමු අහස් පාලම සමග ITC රත්නදීප විවෘත වෙයි

ගාලු මුවදොර ආසන්නයේ ඉදි කෙරුණු ITC රත්නදීප (‘ITC Ratnadipa Colombo’ )අති සුඛෝපභෝගි හෝටලය ජනාධිපති රනිල් වික්‍රමසිංහ විසින් ඊයේ විවෘත කරනු ලැබුවා.

Read More »

පර්ත් අවට මුහුදු තීරයට යන අයට අනතුරු ඇඟවීමක්

පර්ත් ආසන්න මුහුදු තීරයේ ඇති ඇල්ගී විශේෂයක් හේතුවෙන් පර්ත් හි සංචාරය කරන්නන්ට මුහුදේ දිය නෑම පිළිබඳ අනතුරු ඇඟවීමක් නිකුත් කර තිබෙනවා.

Read More »