දුම්රිය සහ පදික වේදිකාව අතර කොටසට ඇද වැටී සිදුවන අනතුරු අඩු කරන්න යෝජනාවක්

සෑම වසරකම ඔස්ට්‍රේලියාවේ දුම්රිය සහ පදික වේදිකාව අතර කොටස තුළට පුද්ගලයින් ඇද වැටීමෙන් සිදුවන අනතුරු සංඛ්‍යාව ඉහළ ගොස් තිබෙනවා.

විශේෂයෙන් සිඩ්නි අගනුවර ප්‍රධාන දුම්රිය ස්ථානවල සිදුවන අනතුරු සංඛ්‍යාව තවදුරටත් ඉහළ ගොස් ඇති බවයි වාර්තා වන්නේ.

2023 වසරේදී දුම්රිය හා දුම්රිය පදික වේදිකා අතර සිදුවු අනතුරු සංඛ්‍යාව 450ක් වන අතර ඉන් අනතුරු 50ක් රෙඩ්ෆර්න් දුම්රිය ස්ථානයේ සිදුව ඇති බව සඳහන්.

රෙඩ්ෆර්න් දුම්රිය ස්ථානය සිඩ්නිහි ප්‍රධාන හුවමාරු දුම්රිය ස්ථානයක් වන අතර මෙලෙස අනතුරු බහුලව සිදුවීම බරපතල තත්වයක් වන අතර ඉන් ළමුන් සහ වැඩිහිටි මගීන්ට සිදුවන අනතුරු ඉහළ බවයි වාර්තා වන්නේ.

දුම්‍රිය ඉංජිනේරු සහ නඩත්තු විධායක අධ්‍යක්ෂ නෙව් නිකොල්ස් කියාසිටියේ කලේ සෑම සතියකම සිඩ්නි දුම්රිය ස්ථානවල සාමාන්‍යයෙන් පුද්ගලයන් පස් දෙනෙකු පමණ මෙලෙස අනතුරට ලක්වන බවයි.

මෙම තත්වය පාලනය සදහා දුම්රිය හා දුම්රිය වේදිකා අතර පරතරය පිරවීමට යම් ආවරණයක් යෙදවීම සම්බන්ධයෙන් ද ඉංජිනේරුවන් යෝජනා ඉදිරිපත් කර තිබෙනවා.

එලෙස සිඩ්නි හි ප්‍රධාන දුම්රිය ස්ථාන 20ක මෙම හිඩැස පිරවීම සදහා රබර් ආවරණයක් යෙදවීමට අතිරේක ඩොලර් මිලියන 9ක් වැය වන බව සඳහන්.

මේ වන විට අත් හදාබැලීමක් ලෙස දුම්රිය ස්ථාන කිහිපයක මෙය ක්‍රියාත්මක කර ඇති අතර එය මගීන්ගේ ආරක්ෂාව සඳහා වඩාත් ප්‍රයෝජනවත් වී තිබෙනවා.

ඉදිරියේදී මෙලෙස අනතුරු බහුල දුම්රිය ස්ථානවල මෙම රබර් ආවරණය සවි කිරීමට නියමිතයි.

හිටපු ඔස්ට්‍රේලියානු ටෙස්ට් ක්‍රිකට් ක්‍රීඩකයෙක් රක්ෂිත බන්ධනාගාරයට

හිටපු ඔස්ට්‍රේලියානු ටෙස්ට් ක්‍රිකට් ක්‍රීඩක මයිකල් ස්ලේටර් ගෘහස්ත හිංසනයට අදාළ වැරදි කිහිපයක් සම්බන්ධයෙන් වූ චෝදනා මත පොලිස් අත්අඩංගුවට ගෙන තිබෙනවා.

Read More »

රුධිරය පරිත්‍යාග කරන්නැයි ඔස්ට්‍රේලියානුවන්ගෙන් ඉල්ලීමක්

බොන්ඩායි ජන්ෂන්හි සිදු වූ පිහි ඇනුම හේතුවෙන් රුධිරය පරිත්‍යාග කරන ලෙස ඔස්ට්‍රේලියානු රතු කුරුස සංවිධානය විසින් ඉල්ලීමක් ඉදිරිපත්ති කර තිබෙනවා.

Read More »

අතුරුදන් වෙන්න යන දූපත් සමූහයක් රැක ගන්න ඔස්ට්‍රේලියානු ඉංජිනේරුවෙක් පෙරට එයි

ඔස්ට්‍රේලියාව සහ හවායි අතර පිහිටි කුඩා දූපත් නවයකින් සැදුම්ලත් ටුවාලු රාජ්‍ය වසර 50ක් ඇතුළත අතුරුදහන් වනු ඇතැයි පුරෝකථනය කර තිබෙනවා.

Read More »

මෙල්බන් ඇතුලු ප්‍රධාන නගර රැසක ආරක්ෂාව දැඩි කරයි

පලස්තීන හිතවාදී විරෝධතාකරුවන් අද ඔස්ට්‍රේලියානු නගර රැසක් අවහිර කරමින් විරෝධතා ව්‍යාපාරයක් සිදු කිරීමේ සැලසුමක් සම්බන්ධයෙන් තොරතුරු ලැබී ඇතැයි පොලිසිය පවසනවා.

Read More »