පියාගේ මාරාන්තික අසනීප තත්වය දැනගැනීමෙන් පසු ලෝක වාර්තාවක් අතහැර දැමූ ධාවන ශූරයෙකු පිළිබද තොරතුරු බටහිර ඔස්ට්‍රේලියාවෙන් වාර්තා වනවා.
ප්‍රංශයේ සර්ජ් ගිරාඩ් විසින් දින 434කදී කිලෝමීටර් 26232ක් දිවීමෙන් තබා තිබූ වාර්තාව අභිබවා යාමටයි බටහිර ඔස්ට්‍රේලියා ධාවන ශූර ටිම් ෆ්‍රෑන්ක්ලින් උත්සහ කර තිබුණේ.
ඒ අනුව ටිම් ෆ්‍රෑන්ක්ලින් දින 100ක් පුරා මෙම වාර්තාව පිහිටුවීම සඳහා දිවීමේ නිරත වු අතර හදිසියේ තම පියාගේ අසනීපය සැලවිමත් සමග එම වාර්තාව තැබීම අතරමග නවතා දැමීමට සිදුව ඇති බව වාර්තා වනවා.
40 හැවිරිදි ටිම් ෆ්‍රෑන්ක්ලින් 2017 වසරේදී ප්‍රංශ ධාවකයෙකු වන සර්ජ් ගිරාඩ් විසින් පිහිටුවන ලද ලොව පුරා වේගවත්ම ධාවන වාර්තාව බිඳ දැමීමට මෙලෙස උත්සහ කර තිබුණා.
පැවති වාර්තා බිද දැමීමට ෆ්‍රෑන්ක්ලින්ට දිනකට කිලෝමීටර් 60කට වඩා දිවීමට සිදුවූ අතර මාස තුනක් තුල ඔහුගේ සාමාන්‍යය සටහන්ව ඇත්තේ කිලෝමීටර් 57ක් ලෙසයි.
පසුගිය දෙසැම්බර් මස සිට පියා දරුණු අසනීපයකින් පෙලුණ ද ඥාතීන් ඒ පිළිබඳ ෆ්‍රෑන්ක්ලින් දැනුවත් නොකළ අතර අසනීප තත්වය උත්සන්න වීමත් සමග ඔහුට දැනුම් දීමටයි පියවර ගෙන ඇත්තේ.
ෆ්‍රෑන්ක්ලින් බටහිර ඔස්ට්‍රේලියාවේ සිට මෙම ධාවන තරගය ආරම්භ කර ඇති අතර ගංවතුර තුනක්, සුළි කුණාටුවක්, හිම කුණාටු සහ අධික උෂ්ණ තාප තරංග සමග ධාවනයේ යෙදීමට හැකිවීම ගැන සතුටු වන බව ද සඳහන් කර තිබෙනවා.
