මෙල්බර්න් නුවර මාර්ග නීති කඩා දඩ මුදල් ගෙවාගන්න බැරිව ජනතාව පීඩාවට පත්වෙයි

මෙල්බර්න් අග නගරයේ මාර්ග නීති කඩ කිරීම වෙනුවෙන් පනවා ඇති දඩ ගාස්තු සාමාන්‍ය ජනතාවට දැරිය නොහැකි බව නවතම සංඛ්‍යා දත්තවලින් හෙළිව තිබෙනවා.

පසුගිය මාස 12ක කාල සීමාව තුළ පමණක් වික්ටෝරියා ප්‍රාන්තයේ නිකුත් කර ඇති මාර්ග දඩ පත්‍රිකාවලින් සියයට 40ක් පමණ නිකුත් කර ඇත්තේ මෙල්බර්න් හා තදාසන්න ප්‍රදේශවලට බවයි වාර්තා වන්නේ.

මේ පිළිබඳ අදහස් දක්වමින් ප්‍රජා නීති මධ්‍යස්ථානයේ ප්‍රධාන විධායක ජැකී ගැලෝවේ පැවසුවේ මෙල්බර්න් හි මාර්ග දඩ ගාස්තු මෙලෙස ඉහළ යෑම පුදුමයට කරුණක් නොවන බවයි.

විශේෂයෙන් මෙල්බර්න් හි අඩු ආදායම්ලාභී ප්‍රදේශවල ඩොලර් මිලියන 60ක පමණ හිඟ දඩ මුදල් පවතින බව වාර්තා වන අතර එම ජනතාව පෙන්වා දෙන්නේ තවදුරටත් මාර්ග දඩ ගාස්තු වැඩි වීම තම ආර්ථිකයට දැරිය නොහැකි බවයි.

මෙල්බර්න්හී කේසි නගරයේ පදිංචිකරුවන්ට පමණක් පසුගිය මූල්‍ය වර්ශයේ මාර්ග දඩ පත්‍රිකා 35246ක් නිකුත් කර තිබෙනවා.

ජීවන වියදම් අර්බුදය සමග පිඩා විදින ඔස්ට්‍රේලියානුවන්ට මෙලෙස මාර්ග දඩ මුදල් තවදුරටත් ඉහළ යෑම මූළ්‍ය ආතතියක් බවටයි ජනතාව චෝදනා කරන්නේ.

මූලික අවශ්‍යතා සපුරා ගැනීම පවා අපහසුවී ඇති විටෙක බිල්පත් සහ දඩ මුදල් ගෙවීමට ඔස්ට්‍රේලියානුවන්ට සිදුවන බව ආර්ථික විශේෂඥයින් ද අවධාරණය කර ඇතැයි සඳහන්.

දඩ මුදල් ගෙවීමට නොහැකිව මූල්‍ය ආතතියට පත් ඔස්ට්‍රේලියානුවන් අතර ඇතැම් පිරිස් ඩොලර් 70000කට අධික ණයබරින් පීඩා විදින අය බවද හඳුනාගෙන තිබෙනවා.

ඔස්ට්‍රේලියානු කම්කරුවන්ට පඩිත් එක්ක වැඩි වැටුප් ගන්න නව යෝජනාවක්

ඔස්ට්‍රේලියානු කම්කරුවන්ට අර්ධ වැටුප් යටතේ වැඩි නිවාඩු ලබා ගැනීමට හැකි නව යෝජනාවක් ඔම්බුට්ස්මන් කාර්යාලය වෙත ඉදිරිපත් කර තිබෙනවා.

Read More »

පාලිත තෙවරප්පෙරුමගේ මරණයට හේතුව හෙළිවෙයි

අභාවප්‍රාප්ත පාලිත තෙවරප්පෙරුමගේ මරණය විදුලි සැර වැදීමෙන් සිරුරේ අභ්‍යන්තර ඉන්ද්‍රියන්වලට සිදුවූ බරපතළ හානි හේතුවෙන් සිදුවූවක් බව පශ්චාත් පරීක්ෂණයේදී තහවුරු වී තිබෙනවා.

Read More »

පිහි ඇනුම නිසා වැසුණු සාප්පු සංකීර්ණය අද විශේෂ කටයුත්තක් වෙනුවෙන් විවෘත වෙයි

බොන්ඩායි ජන්ෂන්හි සාප්පු සංකීර්ණයේ සිදුවූ පිහි ඇණුම හේතුවෙන් තාවකාලිකව වසා දැමූ සාප්පු සංකීර්ණය යළි විවෘත කිරීමට එහි පාලනාධිකාරිය පියවර ගෙන තිබෙනවා.

Read More »

කොවිඩ් එන්නත් නිසා මරණයෙන් ගැලවුණු ඔස්ට්‍රේලියා ජීවිත ගැන අලුත් අනාවරණයක්

ඔස්ට්‍රේලියාවේ COVID-19 එන්නත් වැඩසටහන හේතුවෙන් 2021 වසරේ අගෝස්තු මාසයේ සිට 2022 වසරේ ජූලි මාසය අතර කාලසීමාව තුල නිව් සවුත් වේල්ස් ප්‍රාන්තයේ පමණක් පුද්ගලයින් 20,000කට ආසන්න පිරිසකගේ ජීවිත බේරා ගැනීමට හැකිව ඇතැයි වාර්තා වනවා.

Read More »