සිඩ්නි නුවර බෝල්කම් හිල්ස් ප්‍රදේශයෙන් එකම පවුලේ මව, පියා සහ දරුවා බවට සැක කෙරෙන මළ සිරුරු තුනක් සොයා ගෙන තිබෙනවා.
මෙම මරණ සම්බන්ධයෙන් සටන් කලා උපදේශකයෙකු පොලිස් අත්අඩංගුවට ගෙන ඇති අතර ඔහුගෙන් ප්‍රශ්න කෙරෙමින් පවතින බවයි පොලිසිය සඳහන් කළේ.
30 හැවිරිදි පුද්ගලයාගේ සිරුර අඟහරුවාදා පෙරවරු 10.15 ට පමණ බෝල්කම් හිල්ස් හි වොට්කින්ස් පාරේ පිහිටි නිවසේ තිබී සොයා ගැනුණා.
40 හැවිරිදි වියේ පසුවන මවගේ සහ දරුවාගේ සිරුරු සොයා ගෙන ඇත්තේ උතුරු පැරමට්ටා ප්‍රදේශයේ සටන් කලා උපදේශකයාගේ පන්ති පවත්වන ස්ථානයක තිබියදීයි.
චීන ජාතික සටන් කලා උපදේශකවරයෙක් වන සැකකරු මෙම ඝාතන සම්බන්ධයෙන් වගකීම භාරගෙන ඇති අතර ඊට නිශ්චිත හේතුවක් ඔහු මෙතෙක් ප්‍රකාශ කර නොමැති බව සඳහන්.
මියගිය කුඩා දරුවා සැකකරු යටතේ සටන් කලාව හදාරමින් සිට ඇති බව ද පොලිසිය හෙළි කරගෙන තිබෙනවා.
එම පුද්ගලයාගේ තුවාල සහ සිරුරු තුන අතර සම්බන්ධය තහවුරු කිරීමට කටයුතු කරමින් සිටින බවයි පොලිසිය සඳහන් කළේ. මරණවලට නිශ්චිත හේතුවක් මෙතෙක් තහවුරු කරගෙන නැහැ.
