ජීවිතයම වෙනස් කරන්න අතට ආපු වාසනාව ගෙදර ගෙනියන්න පිනක් නැති වූ හැටි

නියමිත දිනට පෙර හිමිකම් කීමට අපොහොසත් වීම හේතුවෙන් ලොතරැයියකින් හිමිවූ ඩොලර් මිලියන 36ක ත්‍යාගයක් එම ලොතරැයියේ හිමිකරුට නොලැබීමේ සිදුවීමක් ඇමරිකාවේ ෆ්ලොරිඩා ප්‍රාන්තයෙන් වාර්තා වනවා.

ජයග්‍රාහී ලොතරැයි දිනුම් ඇදීමේ දිනයේ සිට දින 180ක් ඇතුලත ජයග්‍රහණය සම්බන්ධයෙන් තහවුරු කර මුදල් ලබා ගත යුතු වුව ද එම කාලසීමාව ඇතුලත අදාළ ජය තහවුරු කර ගැනීමට කිසිවෙකුත් ඉදිරිපත් වී නැහැ.

වාසනාවන්ත එක්සත් ජනපද ජයග්‍රාහකයාට හිමිකම් කාලසීමාව මග හැරීමෙන් පසු ජීවිතය වෙනස් කරන මුදල ලබා ගැනීමට නොහැකි වීම හමුවේ මිලියන ගණනක් වටිනා ලොතරැයි ටිකට් පත අවලංගු කර තිබෙනවා.

2023 වසරේ අගෝස්තු මාසයේ මෙම දිනුම් ඇඳීම සිදු කර ඇති අතර එහි දින 180ක හිමිකම් කාලසීමාව අවසන් වී තිබුණේ පසුගිය ඉරිදා දිනයෙන්.

එහි ප්‍රතිඵලයක් වශයෙන් ජයග්‍රාහකයාට ජයග්‍රහණය අහිමි වූ අතර ටිකට් පතේ වටිනාකම එය මුද්‍රණය කළ කඩදාසියට පමණක් වන බවයි ෆ්ලොරිඩා ලොතරැයියේ ප්‍රකාශක මිෂෙල් ග්‍රයිනර් ප්‍රකාශ කළේ.

Mega Millions වෙබ් අඩවියට අනුව, 2023 වසරේදී මෙවැනි දැවැන්ත මුදලක් ජයග්‍රාහකයින් විසින් ලබා නොගත් එකම ජැක්පොට් ටිකට්පත මෙයයි.

මීට පෙර 2021 වසරේදී කැලිෆෝනියාවේ කාන්තාවකට ඩොලර් මිලියන 26ක ත්‍යාගයක් අහිමි වී ගියේ රෙදි සේදීමේ දී ලොතරැයිය විනාශ වීම හේතුවෙන්.

ෆ්ලොරිඩාවේ නීතියට අනුව හිමිකම් නොකියන ලොතරැයි ත්‍යාග මුදල්වලින් සියයට 80ක් අධ්‍යාපනය සඳහා භාර අරමුදලකට මාරු කළ යුතු අතර ඉතිරිය ත්‍යාග සංචිත සඳහා තබා ගත යුතු වනවා.

ඔස්ට්‍රේලියාවේ පුරප්පාඩු පිරවීමට ගුරු උපාධි අපේක්ෂකයින්ට ඩොලර් 40000ක ශිෂ්‍යත්ව

රට පුරා පවතින ගුරු පුරප්පාඩු පිරවීමේ අරමුණින් ගුරු උපාධි අපේක්ෂකයින් සදහා ඩොලර් 40000ක ශිෂ්‍යත්ව ලබා දීමට ෆෙඩරල් රජය පියවර ගෙන තිබෙනවා.

Read More »

ඔස්ට්‍රේලියාවේ ඉල්ලීමක් ට්විටර් ප්‍රතික්ෂේප කරයි

සිඩ්නි දේවස්ථානයකදී සිදු වූ පිහි ඇනුම සම්බන්ධ වීඩියෝ සමාජ මාධ්‍ය ඔස්සේ හුවමාරු විම වැළැක්වීමට කටයුතු කරන ලෙසට බලධාරීන් ට්විටර් ඇතුලු සමාජ මාධ්‍ය ප්‍රධානීන්ගෙන් ඔස්ට්‍රේලියා ඊ සේෆ්ටි කොමසාරිස්වරයා ඉල්ලීමක් කර තිබෙනවා.

Read More »

රෝගියෙකුට කොවිඩ් ආසාදිතව සිටි දීර්ඝතම කාලය වාර්තා වෙයි

කොවිඩ් වෛරසය ආසාධනය වී දින 613ක්, එනම් වසරකුත් මාස 8ක පමණ කාලයක් ගතවී ඇතත් සුවය නොලැබූ පුද්ගලයෙක් පිළිබඳ නෙදර්ලන්තයෙන් වාර්තාවී තිබෙනවා.

Read More »

ඊශ්‍රායලයට උපරිම මට්ටමින් ප්‍රතිචාර දක්වන්න ඉරානයෙන් සැලසුම්

ගැටුම් නතර කර සන්සුන් වන ලෙසට ලෝකයම ඉල්ලා සිටින අවස්ථාවක ඊශ්‍රායලය ඊට එරෙහිව ක්‍රියා කළහොත් තම උපරිම මට්ටමින් ප්‍රතිචාර දක්වන බව ඉරානය අවධාරණය කරනවා.

Read More »

සිඩ්නි පිහි ඇනුමෙන් බලපෑමට ලක්වූවන්ට රජයෙන් සහන පැකේජයක්

බොන්ඩායි ජන්ෂන් හි වෙස්ට්ෆීල්ඩ් වෙළඳ සංකීර්ණයේ ඛේදවාචකයෙන් බලපෑමට ලක් වූ කම්කරුවන් සහ ව්‍යාපාර සඳහා නිව් සවුත්වේල්ස් ප්‍රාන්ත රජය ආධාරක පැකේජයක් ප්‍රකාශයට පත් කර තිබෙනවා.

Read More »