ඔස්ට්‍රේලියාවේ වයින් නිෂ්පාදකයින්ට අලුත් බලාපොරොත්තුවක්

නියමිත උෂ්ණත්වය සහ ස්ථාවර වර්ෂාපතනය හමුවේ ඔස්ට්‍රේලියාවේ වයින් නිෂ්පාදකයින් වසර ගණනකට පසු ඔවුන්ගේ හොඳම නිෂ්පාදනය වාර්තා කර තිබෙනවා.

කෙසේ වෙතත් දේශීය වයින් මිල ගණන් වෙලඳපොළ තුළ අධික ලෙස පහත වැටෙමින් පවතින අතර, දැනට ලීටර් බිලියන දෙකක අතිරික්තයක් පවතින බව සඳහන්.

චීනය පනවා ඇති වෙළඳ තීරුබදු ඉවත් කර ගත හැකි බවට ද වන අපේක්ෂාවෙන් ඔස්ට්‍රේලියා වෙළඳ අමාත්‍යවරයා නුදුරේදීම චීන වෙළඳ ඇමති හමුවීමට ද නියමිතයි.

ඔස්ට්‍රේලියාවේ වයින් කර්මාන්තයට පනවා ඇති තීරුබදු ඉවත් කරනු ඇතැයි යන නව ශුභවාදී බලාපොරොත්තු මධ්‍යයේ නිව් සවුත් වේල්ස් හි වයින් නිෂ්පාදනයේ සියයට 50ක වැඩිවීමක් සිදුවී තිබෙනවා.

වයින් කර්මාන්ත ශාලාවක හිමිකරුවෙක් සඳහන් කළේ මෙවර අස්වැන්න නෙළීම මාර්තු මස අවසානය දක්වා පවතින අතර අස්වැන්නේ ගුණාත්මකභාවය සහ ප්‍රමාණය පෙර වසරවලට වඩා ඉහළ ගොස් ඇති බවයි.

2020 වසරේ දී චීනය ඔස්ට්‍රේලියාවේ වයින් ආනයනය සඳහා සියයට 218ක බද්දක් හඳුන්වා දුන් අතර එමඟින් ඔස්ට්‍රේලියාවට පැවති ඩොලර් බිලියන 1.2ක අදායමක් අහිමි වුනා.

එම තීරුබදු හඳුන්වා දුන් දා සිට, ඔස්ට්‍රේලියාවේ වයින් නිෂ්පාදකයින් එක්සත් රාජධානිය, යුරෝපය සහ උතුරු ඇමරිකාවට අලෙවිය වැඩි කිරීම සමඟ රටේ අපනයන වෙළෙඳපොළ විවිධාංගීකරණයට ලක්ව තිබෙනවා.

එසේ තිබියදීත්, 2018 වසරේදී වාර්තාගත වූ ඉහළම අපනයනය වන ලීටර් මිලියන 852 සිට 2023 වසරේ දී ලීටර් මිලියන 621 දක්වා පහත වැටී ඇතැයි සඳහන්.

වික්ටෝරියා ප්‍රාන්තයේ Skilled Visa Migration Nomination වැඩසටහන අවසන්

වික්ටෝරියා ප්‍රාන්තයේ 2023-2024 මූල්‍ය වර්ෂය සඳහා නිපුණතා සංක්‍රමණ වීසා වැඩසටහනට (Skilled Visa Migration Nomination Program) ලියාපදිංචි වීමට ලබාදුන් කාල සීමාව අවසන් වී තිබෙනවා.

Read More »

ඔස්ට්‍රේලියාවේදී ඇගයීමට ලක්වූ ශ්‍රී ලාංකීය කිරිබත්

ඔස්ට්‍රේලියාවේ මාස්ටර් චෙෆ් තරඟාවලිය සඳහා ඉදිරිපත් වූ ශ්‍රී ලාංකික තරුණියක් පිළිබඳ මේ වන විට සමාජ මාධ්‍ය ඔස්සේ වැඩි අවධානයක් යොමුවී තිබෙනවා.

Read More »

නිවාඩු කාලය තුළ සේවකයන්ට බලපෑම් කළොත් ඔස්ට්‍රේලියාවේ ආයතන ප්‍රධානීන්ට දඩ

ඔස්ට්‍රේලියාවේ රැකියාවල නිරත සේවකයින්ගෙන් සියයට 64කට පමණ ප්‍රමාණවත් නිවාඩු සහ දීමනාවක් නොලැබෙන බව පර්යේෂණ මගින් අනාවරණ වී තිබෙනවා.

Read More »