වික්ටෝරියා ප්‍රාන්තයේ ඩොලර් 200 ක කලාපීය සංචාරක වවුචර නිකුත් කිරීමේ දෙවන වටය අද ඇරඹේ!

වික්ටෝරියා ප්‍රාන්තයේ ඩොලර් 200 ක කලාපීය සංචාරක වවුචර නිකුත් කිරීමේ දෙවන වටය අද ඇරඹේ!

වික්ටෝරියානුවන්ට තම ප්‍රාන්තයේ කලාපීය ප්‍රදේශයන් ගවේෂණය කිරීමට දිරිගැන්වීම සඳහා ඩොලර් 200 ක කලාපීය සංචාරක වවුචර නිකුත් කිරීමේ දෙවන වටය අද උදේ 10 සිට ආරම්භ වීමට නියමිතයි.

වවුචර 40,000 කින් යුත් පළමු වටය දෙසැම්බර් මැද භාගයේදී ආරම්භ වූ අතර පැයකටත් අඩු කාලයකදී සියලුම වවුචර්පත් අවසන් වූ බව වාර්තා වේ.

බදාදා උදේ 10 සිට වික්ටෝරියානුවන්ට කලාපීය සංචාරක වවුචර නිකුත් කිරීමේ දෙවන වටය සඳහා ඉල්ලුම් කළ හැකිය. මෙම වටය සඳහා සුදුසු ගමන් කාලය ජනවාරි 27 සිට අප්‍රේල් 1 දක්වා වේ.

ඊළඟ වටයේ වවුචර්පත් නිකුත් කිරීම මාර්තු මස 30වන දින සිට ආරම්භ වීමට නියමිත අතර ඒ සඳහා සුදුසු ගමන් කාලය වන්නේ අප්‍රේල් 6 සිට මැයි 31 දක්වා අතර කාල සීමාවයි.

වික්ටෝරියානු වැඩිහිටියන්ට අවම වශයෙන් ඩොලර් 400 ක් වත් ප්‍රාන්තයේ කලාපීය ප්‍රදේශවල නවාතැන්, ආකර්ශනීය ස්ථාන හෝ සංචාර සඳහා වියදම් කළ හොත් වවුචර සඳහා ඉල්ලුම් කළ හැකිය. මෙම වවුචර වික්ටෝරියා ප්‍රාන්තයෙන් පිටත පාවිච්චි කිරීමට නොහැකිය​.

වවුචර එක් නිවසකට එක් අයෙකුට සීමා කර ඇති අතර සුදුසුකම් ලැබීම සඳහා සංචාරකයින් අවම වශයෙන් රාත්‍රී දෙකක්වත් කලාපීය වික්ටෝරියා හි නවාතැන්(මුදල් ගෙවා වෙන් කර ගත හැකි) ගත යුතුවේ.

Yarra Valley, Mornington Peninsula සහ Bellarine යන කලාපීය සංචාරක ප්‍රදේශයන් මෙම යෝජනා ක්‍රමය සඳහා සුදුසුකම් ලබන අතර වික්ටෝරියානුවන්ට ඔවුන්ගේ ගමන් දැනටමත් වෙන්කරවා ගෙන තිබුණද ඉල්ලුම් කළ හැකිය.

 

ආසියානු රටක පුද්ගලයෙක් මෙල්බන්හිදී කාන්තාවක් සහ දරුවෙක් පැහැර ගනී

මෙල්බර්න්හි රෝවිල් ප්‍රදේශයේ (Rowville) සාප්පු මධ්‍යස්ථානයක් අසලදී කාන්තාවක් සහ ඇයගේ කුඩා දියණිය පැහැරගෙන යාමේ සිදුවීමක් සම්බන්ධයෙන් පොලිස් පරීක්ෂණ ආරම්භ වී තිබෙනවා.

Read More »

අගමැති එක්වූ මෙල්බන් සමුලුවකට පලස්තීන හිතවාදී විරෝධතාකරුවන් කඩාවදී

අගමැති ඇන්තනි ඇල්බනීස් සහභාගී වූ මෙල්බර්න්හි කම්කරු පක්ෂ සමුළුවකට පලස්තීන හිතවාදී පෙලපාලිකරුවන් කඩා වැදී තිබෙනවා.

Read More »

වික්ටෝරියා ප්‍රාන්තයේ මාරක රිය අනතුරුවලට හේතුව හෙළිවෙයි

පැය පහකට අඩු කාලයක් නිදාගන්නා රියදුරන් රිය අනතුරුවලට පත්වීමේ සම්භාවිතාව හතර ගුණයකින් වැඩි බව නව අධ්‍යයනයකින් හෙළි වී තිබෙනවා.

Read More »