ඇපල් අයිෆෝන් භාවිතා කරන්නන්ට ඔවුන්ගේ දුරකථන තුල ඇති ව්‍යාජ යෙදුමක් සම්බන්ධයෙන් එම ඇප් එක නිර්මාණය කළ සමාගමෙන් අනතුරු ඇඟවීමක් සිදු කර තිබෙනවා.
මෙම යෙදුම App Store වෙතින් ඉවත් කර තිබුණ ද apple පාරිභෝගිකයින්ගෙන් කිසිවෙකු තවමත් ඔවුන්ගේ ජංගම දුරකථනයේ මෙම යෙදුම තබාගෙන ඇත්දැයි පරීක්ෂා කරන ලෙසටයි ජනතාවගෙන් ඉල්ලා සිටින්නේ.
LastPass ඇප් එකට සමාන, එහෙත් වැරදි අක්ෂර වින්‍යාසයක් සහිත නාමයක් වන LassPass මෙම වංචාවට සම්බන්ධ බවට හෙළිවී තිබෙනවා.
නිවැරදි ඇප් එක ආකාරයෙන්ම නිර්මාණය කළ වෙනත් යෙදවුමක් මගින් ඇපල් පාරිභෝගිකයන්ගේ දත්ත සොරකම් කිරීමට උත්සාහ කර ඇති බවට අනාවරණ වී තිබෙනවා
ව්‍යාජ යෙදුම බොහෝ දුරට සමාන වන අතර එය ඩවුන්ලෝඩ් කර ගැනීම තුලින් පාරිභෝගිකයන් රැවටීමට ලක්වී දුරකතනයේ දත්ත වංචනිකයන් අතට පත්වන බව සඳහන්.
Apple App Store හි LastPass යෙදුම ලෙස පෙනී සිටීමට උත්සාහ කරන වංචනික යෙදවුමක් පිළිබඳව තම ගනුදෙනුකරුවන්ට අවධානයෙන් පසුවන ලෙසටයි නීත්‍යානුකූල LastPass සමාගම පවසන්නේ.
මෙය ගනුදෙනුකරුවන්ගේ අවධානයට යොමු කර ඈත්තේ සිදු විය හැකි ව්‍යාකූලත්වය සහ පුද්ගලික දත්ත නැතිවීම වළක්වා ගැනීම සඳහායි.
ව්‍යාජ ඇප් එක ඩවුන්ලෝඩ් කර ඇති අය එය මකා දැමීමට සහ පාස්වර්ඩ් අප්ඩේට් කරන ලෙසටයි ඉල්ලා සිටින්නේ.
