මාරාන්තික පරපෝෂිතයෙක් නිසා බටහිර ඔස්ට්‍රේලියාවේ ජල තටාකවල විශේෂ පරීක්ෂාවක්

ජනප්‍රිය පිහිනුම් තටාකයකින් මාරාන්තික පරපෝෂිත සත්වයකු සොයා ගැනීමෙන් පසු බටහිර ඔස්ට්‍රේලියාවේ පදිංචිකරුවන්ට ජල මාර්ගවල සැඟවුණු අනතුරක් ගැන බලධාරීන් අනතුරු අඟවා තිබෙනවා.

පවතින දැඩි වියළි කාලගුණික තත්වය හමුවේ නයිග්ලේරියා ෆවුලෙරි (Naegleria fowleri) නම් පියවි ඇසට දැක ගැනීමට අපහසු මෙම පරපෝෂිත සත්වයින් ජල මාර්ග වෙත පැමිණෙන බවයි අනාවරණ වී ඇත්තේ.

බටහිර ඔස්ට්‍රේලියා සෞඛ්‍ය දෙපාර්තමේන්තුව ගිම්හාන සමය පුරා තම පරීක්ෂණ වේගවත් කර ඇති අතර මෙම විශේෂිත මාරාන්තික ජීවියා පිළිබඳ විමසිල්ලෙන් සිටින ලෙසට අනතුරු අඟවා තිබෙනවා.

මෙම පරපෝෂිතයා අඩංගු ජලය නාසයෙන් ශරීරයට ඇතුළු වූ විට මිනිසුන්ට ආසාදනය වන බව සඳහන්.

පසුව නාසයේ සිට මොළයට ගමන් කරන මෙම පරපෝෂිත සත්වයින් මොළයේ පටක විනාශ කරන අතර විනාශකාරී මාරාන්තික ආසාදනයක් ඇති කරන බවටයි හෙළිවී ඇත්තේ.

සාමාන්‍ය ජල තටාකයක නම් මෙම ජීවීන් හඳුනාගෙන විනාශ කළ හැකි අතර සාමාන්‍ය මිරිදිය ජලයේ එය අපහසු කටයුත්තක් බවයි සෞඛ්‍ය දෙපාර්තමේන්තුව පෙන්වා දෙන්නේ.

එය විනාශ කිරීමට ක්ලෝරීන් අවශ්‍ය වන අතර ස්වාභාවික ජලය තුළ එය සිදු කළ හැක්කේ ඉතා අල්ප වශයෙන්.

පාරිසරික සෞඛ්‍ය නිලධාරීන් සෑම සති දෙකකට වරක් බටහිර ඔස්ට්‍රේලියාවේ ජල මාර්ග පරීක්ෂා කරන අතර 1960 ගණන්වල සිට පවතින මෙම ජීවීන් සම්බන්ධ අනතුරු ඇඟවීමට අවනත වන ලෙසට දැනුම් දෙනවා.

කුලී නිවාස ගන්න යනවා නම් මේ වංචාවට හසුවෙන්න එපා

කුලී නිවාස සපයා දෙන මුවාවෙන් සමාජ මාධ්‍ය ඔස්සේ සිදුකෙරෙන මූල්‍ය වංචා පිළිබඳ අවධානයෙන් පසුවන ලෙස පොලිසිය ජනතාව දැනුවත් කර තිබෙනවා.

Read More »

ඔස්ට්‍රේලියාවේ අඩු ආදායම්ලාභීන් වෙනුවෙන් ඉල්ලීමක්

අඩු ආදායම්ලාභී පවුල් සඳහා මුල් ළමාවිය අධ්‍යාපන පහසුකම් ඇතුලු ළමා රක්ෂණ සේවා නොමිලේ ලබා දෙන්නැයි ඵලදායිතා කොමිෂන් සභාව ෆෙඩරල් රජයෙන් ඉල්ලීමක් කර තිබෙනවා.

Read More »

ජීවිත 6ක් බිලිගත් සිඩ්නි ප්‍රහාරය ගැන තවත් තොරතුරු හෙළිවෙයි

සිඩ්නි නැගෙනහිර වෙස්ට්ෆීල්ඩ් බොන්ඩායි ජන්ෂන් හි සාප්පු මධ්‍යස්ථානයකදී පුද්ගලයන් කිහිප දෙනෙකුට පිහියෙන් ඇනීමෙන් පසු පොලිස් වෙඩි පහරින් මිය ගිය 40 හැවිරිදි වියේ පසුවන පුද්ගලයා හඳුනා ගැනීමට පොලිසිය තවදුරටත් විමර්ශන සිදු කරමින් පවතිනවා.

Read More »

සිඩ්නි වෙස්ට්ෆීල්ඩ් සාප්පු සංකීර්ණයේ පිහි ඇනුමෙන් 7ක් ජීවිතක්ෂයට

සිඩ්නි හි නැගෙනහිර වෙස්ට්ෆීල්ඩ් බොන්ඩි හන්දියේ සාප්පු මධ්‍යස්ථානයේදී සිදු වූ පිහි ඇනුමෙන් සහ වෙඩි තැබීමෙන් ප්‍රහාරකයා ඇතුලු පුද්ගලයන් 7දෙනෙකු මියගොස් තිබෙනවා.

Read More »