තක්ෂින් ෂිනවත්‍රා බන්ධනාගාරයෙන් නිදහස්

තායිලන්තයේ අගමැතිවරයා ලෙස දෙවරක් ධුරය හෙබවූ තක්ෂින් ෂිනවත්‍රා බන්ධනාගාරයෙන් නිදහස් කර තිබෙනවා.

බැංකොක් හි පොලිස් රෝහලේ ප්‍රතිකාර ලබමින් සිටියදී යි අද අලුයම ඔහු නිදහස් කර ඇත්තේ.

හිටපු අගමැතිවරයාගේ ඔහුගේ වයස සහ සෞඛ්‍ය තත්ත්වය හේතුවෙන් තායිලන්ත රජු ඔහුගේ අට වසරක සිර දඬුවම අඩු කර නිදහස් කිරීමට තීරණය කර තිබෙනවා.

තායිලන්ත මාධ්‍ය වාර්තා කළේ මෙම නිදහස් කිරීම බන්ධනාගාර නිලධාරීන්ගේ දැඩි නිරීක්‍ෂණයට යටත් වන අතර ඔහුට ගමන් බිමන් යාමට ඇති අයිතිය සීමා කර ඇති බවයි.

74 හැවිරිදි තක්ෂින් ෂිනවත්‍රා දෙවරක් අගමැති ලෙස තේරී පත් වූ අතර 2006 වසරේදී හමුදා කුමන්ත්‍රණයකින් නෙරපා හරිනු ලැබුවා.

පසුව තක්ෂින් ෂිනවත්‍රා වසර 15ක් පමණ ස්වයං ලෙස පිටුවහල්ව සිට පසුගිය 2023 වසරේ අගෝස්තු මාසයේ නැවත තායිලන්තයට පැමිණ තිබුණා.

අනතුරුවයි දූෂණ චෝදනා සහ බලය අනිසි ලෙස භාවිතා කිරීමේ චෝදනා මත වසර අටක් සිරගත කරනු ලැබුවේ.

එම සිර දඬුවමෙන් පසු මාස හයක් ඔහු රැඳවුම් භාරයේ රෝහල් ගතව පසු වුණා.

මීට දින කිහිපයකට පෙර තායිලන්තයේ වත්මන් අගමැතිනිවරයා ද ප්‍රකාශ කර තිබුණේ ඉරිදා දින තක්ෂින් නිදහස් කරන බවයි.

දියතලාව Fox hill ධාවන තරගයේ අනතුරකින් ජීවිත 7ක් අහිමි වෙයි

දියතලාව ෆොක්ස් හිල් සුපර් ක්‍රොස් ධාවන තරගයේදී මෝටර් රථයක් ධාවන පථයෙන් ඉවතට පැන සිදු වූ අනතුරකින් පුද්ගලයන් 7 දෙනෙකු ජිවිතක්ෂයට පත්වී තවත් 20 දෙනෙකුට වැඩි පිරිසක් තුවාල ලබා රෝහල් ගත කර තිබෙනවා.

Read More »

ජපානයේ හෙලිකොප්ටර් දෙකක බිහිසුණු අනතුරක්

පැසිෆික් සාගර කලාපයේ රාත්‍රී අභ්‍යාසයක් අතරතුර හෙලිකොප්ටර් දෙකක් කඩා වැටීමෙන් ජපාන නාවික කාර්ය මණ්ඩල සාමාජිකයෙකු මිය ගොස් තවත් හත් දෙනෙකු අතුරුදහන් වී තිබෙනවා.

Read More »

අනාගතය වෙනුවෙන් සුපරීක්ෂාකාරී වන්නැයි ඔස්ට්‍රේලියානුවන්ට දැනුම්දීමක්

ඔස්ට්‍රේලියානුවන්ගේ විශ්‍රාම දිවිය වෙනුවෙන් මුදල් එක් රැස් කෙරෙන සුපර්ඇනුඒෂන් (superannuation) අරමුදල් වංචාවන් වැඩිවෙමින් පවතින බැවින් දැඩි අවධානයෙන් පසුවන ලෙස ඉල්ලීමක් කෙරෙනවා.

Read More »

TikTok වීඩියෝවක් නිසා මෙල්බන් කාන්තාවක් ලොව ජනප්‍රිය වෙයි

මෙල්බන්හි වෙස්ට් ගේට් පාලම මත මෝටර් රථයක ඉදිරිපස අසුනේ රූගත කරන ලද ටික්ටොක් විඩියෝවක් හේතුවෙන් මෙල්බන් කාන්තාවක් ලොව පුරා කතාබහට ලක්ව තිබෙනවා.

Read More »

ක්වීන්ස්ලන්ඩ් ප්‍රාන්තයේ ප්‍රදේශ රැසකට අනතුරු ඇඟවීම් කිහිපයක්

අද ක්වීන්ස්ලන්ඩ් ප්‍රාන්තයේ ප්‍රදේශ රැසකට ඇදහැලෙන වර්ෂාවක් සමඟ කාලගුණ අනතුරු ඇඟවීම් කිහිපයක් නිකුත් කර තිබෙනවා.

Read More »