වික්ටෝරියා ප්‍රාන්තයේ තරුණයන්ට රිය ධාවනය ගැන නිසි අධ්‍යාපනයක් දෙන්න අලුත් වැඩක්

පසුගිය 2023 වසරේ වික්ටෝරියා ප්‍රාන්තයේ මාර්ගවල සිදුවූ බිහිසුණු රිය අනතුරු සහ මරණ සංඛ්‍යාව හමුවේ රියදුරු ආරක්ෂාව පිළිබඳ දැනුවත්භාවය සම්බන්ධයෙන් විශේෂ අවධානයක් යොමු වී තිබෙනවා.

විශේෂයෙන් තරුණයින්, නිසි රියදුරු අධ්‍යාපනයක් පිළිබඳ ගැටලුව වැදගත් ලෙස නොසලකන බවටයි අනාවරණ වී ඇත්තේ.

වික්ටෝරියා ප්‍රාන්තයේ ගමනාගමන අනතුරු කොමිසමට අනුව, 2023 වසරේදී රිය අනතුරුවලින් අවුරුදු 16 ත් 25 ත් අතර තරුණයින් 59ක් මිය ගොස් තිබෙනවා. එය එම වසරේ ප්‍රාන්තයේ මාර්ගවලින් වාර්තා වූ සමස්ත මරණ වලින් සියයට 20ක් බව සඳහන්.

මේ හේතුවෙන් තරුණ තරුණියන් සඳහා රියදුරු ආරක්ෂණ අධ්‍යාපනය වැඩිදියුණු කළ යුතු බවට යෝජනා ඉදිරිපත් වී ඇති අතර පාසලේදී මාර්ග ආරක්ෂණ වැඩසටහන් ක්‍රියාත්මක කිරීම ද ඊට අයත්.

ප්‍රාන්තය පුරා 10 සිට 12 වසර දක්වා සිසුන් සඳහා මූලික මාර්ග ආරක්ෂණ කුසලතා සහ වාහන නඩත්තු ඇතුළත් නව අධ්‍යාපන වැඩසටහනක් හඳුන්වා දීමට ද අවශ්‍ය බවටයි ප්‍රකාශ වී ඇත්තේ.

නොසැලකිලිමත් ලෙස රිය පැදවීමේ ප්‍රතිවිපාක සම්බන්ධයෙන් සතියකට පැය භාගයක් සිසුන් දැනුවත් කර පාසල් සමයේ සිටම රියදුරු බලපත්‍රය ලබා ගැනීමට හොඳ පුරුදු ඇති කිරීමට ද යෝජනා වී තිබෙනවා.

යෞවනයන් සඳහා රියදුරු ආරක්ෂණ අධ්‍යාපනය වැඩිදියුණු කිරීමට 18 හැවිරිදි තරුණයෙක් මූලිකත්වය ගෙන ඇති අතර ඔහු පැවසුවේ තමා පාසලේදී මාර්ග ආරක්ෂණ වැඩසටහන් අත්හදා බැලූ අතර, ආරක්ෂාව වැඩි දියුණු කිරීම සඳහා තවත් බොහෝ දේ කළ හැකි බවයි.

එමෙන්ම තවත් ස්වේච්ඡා සංවිධාන කිහිපයක් ද මේ වෙනුවෙන් ඉදිරිපත් වී ඇති අතර 2023 වසරේ ඛේදජනක මාර්ග අනතුරු මරණ සංඛ්‍යාව හේතුවෙන් පාසල්වල රියදුරු අධ්‍යාපන මොඩියුලයක් දැකීමට අවශ්‍ය බවයි ඔවුන් පෙන්වා දෙන්නේ.

ජනතාවට සහන ගේන්න සුපිරි වෙළඳසැල්වලට නව නීතියක්

පාරිභෝගිකයන්ගෙන් මෙන්ම සැපයුම්කරුවන්ගෙන් අඛණ්ඩව එල්ලවන විවිධ චෝදනා හමුවේ මහා පරිමාණ සුපිරි වෙළඳසැල් සඳහා නව නීති ගෙන ඒමට ෆෙඩරල් රජය තීරණය කර තිබෙනවා.

Read More »

ලොව පළමු වරට මැතිවරණයකට AI අපේක්ෂකයෙක්

ලොව ප්‍රථමවරට කෘතිම බුද්ධියෙන් නිර්මාණය කළ අපේක්ෂකයකු බ්‍රිතාන්‍යයේ මැතිවරණය සඳහා තරග කිරීමට ඉදිරිපත් වන බව විදෙස් මාධ්‍ය වාර්තා කර තිබෙනවා.

Read More »

ක්වීන්ස්ලන්ඩ්හි ශත 50 පොදු ප්‍රවාහන ගාස්තුවට බාධකයක්

අමතර රාජ්‍ය අරමුදල් යෙදවීමක් නොමැති වීම හේතුවෙන් පොදු ප්‍රවාහනයට නියම කළ ශත 50 ගාස්තුව ගැටළුවක් වනු ඇති බව බ්‍රිස්බේන් නගර සභාව අනතුරු අඟවනවා.

Read More »

ඇඩිලේඩ්හි සාප්පු සංකීර්ණයක් වැසූ පොලිස් මෙහෙයුම ගැන සියල්ල හෙළිවෙයි

දකුණු ඇඩිලේඩ් හි වෙස්ට්ෆීල්ඩ් මේරියන් සාප්පු මධ්‍යස්ථානයේ (Marion Shopping Centre) සිදු වූ හදිසි පොලිස් මෙහෙයුම තරුණයන් පිරිසක් අතර ඇතිවූ ගැටුමක් බව පොලිසිය පවසනවා.

Read More »

ජනප්‍රිය සංචාරක ගමනාන්තයකට මෙල්බන් සිට නව ගුවන් සේවාවක්

Jetstar සමාගම විසින් ජනප්‍රිය සංචාරක ගමනාන්තයක් වන ක්වීන්ස්ලන්ඩ්හි හර්වි බේ (Hervey Bay) දක්වා මෙල්බර්න් සිට නව ගුවන් සේවාවක් ආරම්භ කර තිබෙනවා.

Read More »