ජානමය වශයෙන් වෙනස් කළ කෙසෙල් ප්‍රභේදයක් භාවිතයට අනුමැතිය

පැනමා රෝගයට ඔරොත්තු දෙන ජානමය වශයෙන් වෙනස් කරන ලද කෙසෙල් ඕස්ට්‍රේලියාවේ භාවිතය සඳහා අනුමැතිය ලබා දී තිබෙනවා.

ජානමය වශයෙන් වෙනස් කරන ලද මෙම නව කෙසෙල් කැවෙන්ඩිෂ් ප්‍රභේදයේ කොටසක් නොවන බව සඳහන්.

විද්‍යාඥයන් විසින් TR4 රෝගයට ප්‍රතිශක්තිය ඇති කැලෑ කෙසෙල් ගෙඩියක ජානයක් භාවිතා කර එය කැවෙන්ඩිෂ් ප්‍රභේදයක තැන්පත් කර නව ප්‍රභේදය නිපදවා තිබෙනවා.

කෙසෙල් කර්මාන්තයේ අනාගතය තහවුරු කිරීම සඳහා වෙනත් රෝගවලට ප්‍රතිරෝධී සහ දේශගුණයට ඔරොත්තු දෙන ප්‍රභේද වර්ධනය කිරීම සඳහා ජාන සංස්කරණ භාවිතා කිරීමටයි විද්‍යාඥයින් බලාපොරොත්තු වන්නේ.

විද්‍යාඥයින් පවසන්නේ මෙම නව ප්‍රභේදය ලොව ප්‍රථම වරට ජානමය වශයෙන් වෙනස් කරන ලද කෙසෙල් වන අතර ඕස්ට්‍රේලියාවේ වගා කිරීම සඳහා ෆෙඩරල් රජය විසින් අනුමත කරන ලද පළමු ජානමය වෙනස්කම්වලට ලක්වූ පළතුර වනු ඇති බවයි.

පැනමා TR4 යනු කෙසෙල් ගස්වල ඇති කරන දිලීර රෝගයක් වන අතර එමගින් අවසානයේ ශාකය සම්පුර්ණයෙන් විනාශ කෙරෙනවා.

දැනට ඊට නිසි ප්‍රතිකාරයක් නොමැති අතර, දිලීරය පසෙහි ජීවත් වන බැවින්, එය පවතින ප්‍රදේශවල ජනප්‍රිය කැවෙන්ඩිෂ් ප්‍රභේදය ඇතුළු බොහෝ කෙසෙල් වර්ග තවදුරටත් වගා කළ නොහැකි බව සඳහන්.

ඕස්ට්‍රේලියාවේ කෙසෙල්වලින් සියයට 95ක් පමණ වගා කරනු ලබන්නේ ක්වීන්ස්ලන්ඩ් ප්‍රාන්තයේ වන අතර එම නිෂ්පාදනයෙන් සියයට 97ක් පමණ කැවෙන්ඩිෂ් කෙසෙල් වනවා.

සිඩ්නි දේවස්ථානයේ අපරාධයට සම්බන්ධ සැකකාර ළමයාගේ පෙර වැරදි හෙළිවෙයි

සිඩ්නි දේවස්ථානයක් තුළදී ඊයේ රාත්‍රියේ පිහි ඇනුම සම්බන්ධයෙන් අත්අඩංගුවට සැකකාර 15 හැවිරිදි පිරිමි ළමයා මීට මාස තුනකට පෙර පිහියෙන් ඇනීමේ අපරාධයක් සම්බන්ධයෙන් අධිකරණය හමුවට ඉදිරිපත් කළ අයෙක් බවට හෙළිවී තිබෙනවා.

Read More »

ඔස්ට්‍රේලියාවේ ජාත්‍යන්තර කේක් නිර්මාණ තරගයකින් ශ්‍රී ලාංකිකයෙකුට රන් පදක්කම

ඔස්ට්‍රේලියාවේ පැවති ජාත්‍යන්තර කේක් තරඟාවලියකින් ප්‍රථම ස්ථානය දිනා ගැනීමට ඔස්ට්‍රේලියාවේ වෙසෙන ශ්‍රී ලාංකික ඉංජිනේරුවරියක් වන නිෂා පොල්හේන සමත්ව තිබෙනවා.

Read More »

ඔස්ට්‍රේලියාවේ ඩිජිටල් රියදුරු බලපත්‍රයෙන් වංචාවක්

ඔස්ට්‍රේලියාවේ ඩිජිටල් රියදුරු බලපත්‍ර සාමාන්‍යකරණය වෙමින් පවතින අතර ඊට සමගාමීව වංචනික ක්‍රියා ද ඉහළ ගොස් ඇති බව හෙළි වනවා.

Read More »

ත්‍රස්ත ක්‍රියාවක් බව කියන දේවස්ථානයේ පිහි ඇනුමට අවුරුදු 15ක ළමයෙක් අත්අඩංගුවේ

බටහිර සිඩ්නිහි පිහිටි ඕතඩොක්ස් ක්‍රිස්තියානි දේවස්ථානයකදී බිෂොප්වරයෙකුට සහ පුජකවරයෙකුට පිහියෙන් ඇනිමේ සිදුවීම සම්බන්ධයෙන් 15 හැවිරිදි පිරිමි ළමයෙකු අත්අඩංගුවට ගෙන තිබෙනවා.

Read More »

සිඩ්නි සාප්පු මධ්‍යස්ථානයේ සැකකරු මෙල්ල කළ අයෙකුට ඔස්ට්‍රේලියානු පුරවැසිභාවය හිමිවෙයි

බොන්ඩායි ජන්ෂන් හි සාප්පු මධ්‍යස්ථානයේ පිහි ඇනුමට පැමිණි සැකකරු මෙල්ල කර ගැනීමට ඔහු සමග සටන් කළ ප්‍රංශ ජාතික තරුණයාට ඔස්ට්‍රේලියානු පුරවැසිභාවය ලබාදීමට අග්‍රාමාත්‍ය ඇන්තනි ඇල්බනීස් පියවර ගෙන තිබෙනවා.

Read More »