මදුරුවන්ගෙන් පැතිරෙන අලුත් වෛරසයක් ගැන සෞඛ්‍ය අංශවලින් අනතුරු ඇඟවීම්

ක්වීන්ස්ලන්ඩ් ප්‍රාන්තය පුරා මදුරුවන් හේතුවෙන් පැතිර යන රෝගී තත්වයක් පිළිබඳ සෞඛ්‍ය අංශ අනතුරු අඟවනවා. රොස් රිවර් ලෙසට හඳුන්වා දී ඇති මෙම වෛරසය හේතුවෙන් රෝගීන් දහස් ගණනක් හමුවනු ඇති බවටයි අපේක්ෂා කෙරෙන්නේ.

ක්වීන්ස්ලන්ඩ් බලධාරීන් ප්‍රාන්තය පුරා ආසාදිත මදුරුවන් හඳුනා ගැනීමෙන් පසු රොස් රිවර් වෛරස් රෝගීන්ගේ ඉහළ යාමක් සිදු වනු ඇතැයි සූදානමින් පසුවනවා.

ලබාගෙන ඇති සාම්පල මගින් මැකේ සහ ගෝල්ඩ් කෝස්ට් අතර කලාපයේ ආසාදිත මදුරුවන් ඇතැයි හෙළිවී ඇති අතර සති කිහිපයකින් මිනිසුන් දහස් ගණනක් ජනතාව වෛරසය අසාදනය වනු ඇති බවටයි සෞඛ්‍ය ප්‍රධානීන් සැක පළ කරන්නේ.

රොස් රිවර් වෛරසය අසාදනය මගින් සන්ධි සහ මාංශ පේශි වේදනා ඇති විය හැකි අතර උණ, හිසරදය, කැසීම සහ තෙහෙට්ටුව අනෙකුත් රෝග ලක්ෂණ වනවා.

වෛරසය මාරාන්තික නොවුන ද එමගින් සිරුර දුර්වල වන අතර එන්නතක් සහ නිශ්චිත ප්‍රතිකාරයක් නොමැති වීම ගැටලුවක් වී තිබෙනවා.

ආසාදිතයන් මාස තුනක් හෝ හයක් තුළ පුර්ණ සුවය ලබන අතර ක්වීන්ස්ලන්ද ප්‍රධාන සෞඛ්‍ය නිලධාරී වෛද්‍ය ජෝන් ජෙරාඩ් පැවසුවේ ප්‍රාන්තය පුරා සැලකිය යුතු රෝගීන් සංඛ්‍යාවක් හමුවනු ඇති බවයි.

මීට වසර 4කට පමණ පෙර ද රොස් රිවර් වෛරසය අසාධිතයන් 3000ක් පමණ හමුවී තිබුණා.

බලධාරීන් ගුවන් මගින් මදුරු මර්දන කටයුතු සිදු කළ ද කීටයන් පමණක් එමගින් විනාශ වන අතර ගෙවතුවල ආරක්ෂාව සම්බන්ධයෙන් නිවැසියන් සැලකිලිමත් විය යුතු බවයි දැනුම් දෙන්නේ.

හිටපු ඔස්ට්‍රේලියානු ටෙස්ට් ක්‍රිකට් ක්‍රීඩකයෙක් රක්ෂිත බන්ධනාගාරයට

හිටපු ඔස්ට්‍රේලියානු ටෙස්ට් ක්‍රිකට් ක්‍රීඩක මයිකල් ස්ලේටර් ගෘහස්ත හිංසනයට අදාළ වැරදි කිහිපයක් සම්බන්ධයෙන් වූ චෝදනා මත පොලිස් අත්අඩංගුවට ගෙන තිබෙනවා.

Read More »

රුධිරය පරිත්‍යාග කරන්නැයි ඔස්ට්‍රේලියානුවන්ගෙන් ඉල්ලීමක්

බොන්ඩායි ජන්ෂන්හි සිදු වූ පිහි ඇනුම හේතුවෙන් රුධිරය පරිත්‍යාග කරන ලෙස ඔස්ට්‍රේලියානු රතු කුරුස සංවිධානය විසින් ඉල්ලීමක් ඉදිරිපත්ති කර තිබෙනවා.

Read More »

අතුරුදන් වෙන්න යන දූපත් සමූහයක් රැක ගන්න ඔස්ට්‍රේලියානු ඉංජිනේරුවෙක් පෙරට එයි

ඔස්ට්‍රේලියාව සහ හවායි අතර පිහිටි කුඩා දූපත් නවයකින් සැදුම්ලත් ටුවාලු රාජ්‍ය වසර 50ක් ඇතුළත අතුරුදහන් වනු ඇතැයි පුරෝකථනය කර තිබෙනවා.

Read More »

මෙල්බන් ඇතුලු ප්‍රධාන නගර රැසක ආරක්ෂාව දැඩි කරයි

පලස්තීන හිතවාදී විරෝධතාකරුවන් අද ඔස්ට්‍රේලියානු නගර රැසක් අවහිර කරමින් විරෝධතා ව්‍යාපාරයක් සිදු කිරීමේ සැලසුමක් සම්බන්ධයෙන් තොරතුරු ලැබී ඇතැයි පොලිසිය පවසනවා.

Read More »