ඔස්ට්‍රේලියාවේ උසම සුළං විදුලි උත්පාදක යන්ත්‍ර තැනීමේ සැලසුමට විරෝධතා

ඔස්ට්‍රේලියාවේ නිව් සවුත්වේල්ස් ප්‍රාන්තයේ උසම සුළං විදුලි උත්පාදක යන්ත්‍ර තැනීමේ යෝජනාවක් සම්බන්ධයෙන් ප්‍රාදේශීය ප්‍රජාවක් අතර මතබේධාත්මක තත්ත්වයක් මතුවී තිබෙනවා.

මෙම කටයුත්ත හේතුවෙන් බලපෑමට ලක්වූ ජනතාවට සංවර්ධන යෝජනා ක්‍රමයේ බලධාරීන්ට ප්‍රමාණවත් උපදේශනයක් ලබාදී නොමැති බවටයි චෝදනා එල්ල වන්නේ.

නිව් සවුත්වේල්ස් ප්‍රාන්තයේ මධ්‍යම ප්‍රදේශයේ උසම සුළං විදුලි උත්පාදක යන්ත්‍ර ස්ථාපිත කිරීමට සැලසුම් කර තිබෙනවා.

මේ හේතුවෙන් ප්‍රදේශයේ ඉඩම්වල වටිනාකම කෙරෙහි ඍණාත්මක බලපෑමක් ඇති කර ඇති අතර ව්‍යාපෘතියේ ශබ්ද බලපෑම් පිළිබඳව ප්‍රදේශයේ පදිංචිකරුවන් කනස්සල්ලට පත්ව සිටින බව සඳහන්.

සුළං විදුලි ව්‍යාපෘතිය තුලින් හෙක්ටයාර 9,000ක කෘෂිකාර්මික ඉඩම් හරහා ටර්බයින 63ක් තැනීමට එක්සත් රාජධානියේ සමාගමක් සැලසුම් කර තිබෙනවා.

ටර්බයිනවල උපරිම උස මීටර් 280ක් වන අතර එය රටේ දෙවන උසම ගොඩනැගිල්ල වන සිඩ්නි ටවර් ගොඩනැගිල්ලට වඩා මීටර් 29ක් උසින් අඩු බව දැනුම්දී තිබෙනවා.

එහෙත් ජනතාවගේ විරෝධතා හමුවේ කුළුනක උස මීටර් 254ක් දක්වා සංශෝධනය කිරීමට ජනවාරි මාසයේදී පියවර ගනු ලැබුවා.

ප්‍රදේශයේ ඉඩම් හිමියෙකු මෙන්ම මෙම ව්‍යාපෘතියට විරුද්ධ කණ්ඩායමේ සාමාජිකයෙකු පැවසුවේ ප්‍රජාවේ ප්‍රධාන විරෝධය ඉඩම්වල වටිනාකම් කෙරෙහි වන බලපෑමට සම්බන්ධ බවයි.

සුළං බලාගාරවලට ඉඩම් වටිනාකම සියයට 40කින් අඩු කළ හැකි බව ඔවුන් පෙන්වා දෙනවා.

එමෙන්ම ශ්‍රවණාබාධ, නින්දට බාධා මතුවීම මෙන්ම නිදහසේ එළිමහනට යෑමෙන් වැළකීම ඇතුළු සෞඛ්‍ය බලපෑම් ද ප්‍රදේශවාසීන් මතු කර ඇති ගැටළු අතරට අයත්.

මාධ්‍යයට හෙළි නොවූ සිඩ්නි අවට පිහි ඇනුම් ගැන තොරතුරු එළියට

ගතවූ සතියක කාලයක් තුල සිඩ්නි අවට ප්‍රදේශ කිහිපයකදී පිහි ඇනුම් 5කින් පුද්ගලයන් 7 දෙනෙකු ජීවිතක්ෂයට පත්වී ඇතැයි අනාවරණ වී තිබෙනවා.

Read More »

විශ්‍රාම යන ඔස්ට්‍රේලියානුවන් පිරිසක් අන්ත දරිද්‍රතාවයෙන්

විශ්‍රාම යෑමේදී මිලියන 4කට අධික ඔස්ට්‍රේලියානුවන් පිරිසක් අන්ත දරිද්‍රතාවයෙන් පෙළෙන බව නවතම සමීක්ෂණයකින් හෙළිව තිබෙනවා.

Read More »

දියතලාව Fox hill ධාවන තරගයේ අනතුරකින් ජීවිත 7ක් අහිමි වෙයි

දියතලාව ෆොක්ස් හිල් සුපර් ක්‍රොස් ධාවන තරගයේදී මෝටර් රථයක් ධාවන පථයෙන් ඉවතට පැන සිදු වූ අනතුරකින් පුද්ගලයන් 7 දෙනෙකු ජිවිතක්ෂයට පත්වී තවත් 20 දෙනෙකුට වැඩි පිරිසක් තුවාල ලබා රෝහල් ගත කර තිබෙනවා.

Read More »

ජපානයේ හෙලිකොප්ටර් දෙකක බිහිසුණු අනතුරක්

පැසිෆික් සාගර කලාපයේ රාත්‍රී අභ්‍යාසයක් අතරතුර හෙලිකොප්ටර් දෙකක් කඩා වැටීමෙන් ජපාන නාවික කාර්ය මණ්ඩල සාමාජිකයෙකු මිය ගොස් තවත් හත් දෙනෙකු අතුරුදහන් වී තිබෙනවා.

Read More »

අනාගතය වෙනුවෙන් සුපරීක්ෂාකාරී වන්නැයි ඔස්ට්‍රේලියානුවන්ට දැනුම්දීමක්

ඔස්ට්‍රේලියානුවන්ගේ විශ්‍රාම දිවිය වෙනුවෙන් මුදල් එක් රැස් කෙරෙන සුපර්ඇනුඒෂන් (superannuation) අරමුදල් වංචාවන් වැඩිවෙමින් පවතින බැවින් දැඩි අවධානයෙන් පසුවන ලෙස ඉල්ලීමක් කෙරෙනවා.

Read More »