ශ්‍රී ලංකාව සහ පර්ත් අතර ඍජු ගුවන් සේවා ගැන යෝජනාවක්

ඔස්ට්‍රේලියාවේ පර්ත් නුවර පැවැත්වු හත්වන ඉන්දීය සාගර සමුළුවට සමගාමීව රනිල් වික්‍රමසිංහ සහ බටහිර ඔස්ට්‍රේලියා ප්‍රාන්තයේ අග්‍රාමාත්‍ය රොජර් කුක් මහතා අතර හමුවක් පසුගියදා පවත්වා තිබෙනවා.

ශ්‍රී ලංකාව සහ බටහිර ඔස්ට්‍රේලියාව අතර පුනර්ජනනීය බලශක්තියල කෘෂිකර්මාන්තය යන ක්ෂේත්‍රවලට අදාළ සහයෝගිතාව ඉහළ නංවා ගැනීම ගැන එහිදි වැඩිඅවධානයක් යොමුවු බවයි වාර්තා වන්නේ.

එමෙන්ම ශ්‍රී ලංකාව සහ පර්ත් නුවර අතර ඍජු ගුවන් සේවා සබඳතා වර්ධනය කරගැනීම සම්බන්ධයෙන්ද අග්‍රාමාත්‍ය රොජර් කුක් මෙහිදී සිය කැමැත්ත පළ කර ඇති බව ද සඳහන්.

පුනර්ජනනීය බලශක්ති ක්ෂේත්‍රයේ පවතින විභවයන් පිළිබඳ විස්තර කරමින් ශ්‍රී ලංකාව සිය පුනර්ජනනීය බලශක්ති ක්ෂේත්‍රය සංවර්ධනය කිරීමේ ක්‍රියාවලියක නිරත වෙමින් සිටින බව ජනාධිපති රනිල් වික්‍රමසිංහ එහිදි ප්‍රකාශ කර තිබුණා.

ශ්‍රී ලංකාවේ කෘෂිකාර්මික නවීකරණ වැඩපිළිවෙළ පිළිබඳ කරුණු පැහැදිලි කළ ජනාධිපතිවරයා මේ ක්ෂේත්‍රයේ ආයෝජන දිරිමත් කරන ලෙස බටහිර ඔස්ට්‍රේලියා ප්‍රාන්තයේ අග්‍රාමාත්‍යවරයාට ආරාධනා කළා.

එසේම ශ්‍රී ලංකාවේ සංචාරයක නිරත වීල පවතින ආයෝජන අවස්ථා පිළිබඳ සොයා බලන ලෙසද ජනාධිපති රනිල් වික්‍රමසිංහ මෙහිදී බටහිර ඔස්ට්‍රේලියා ප්‍රාන්තයේ අග්‍රාමාත්‍ය රොජර් කුක්ට ඇරයුම් කර ඇති බව සදහන්.

NSW අයවැයෙන් ප්‍රාන්ත වැසියන්ට හිමි වන සහන මෙන්න

නිව් සවුත්වේල්ස් ප්‍රාන්තයේ අඩු ආදායම්ලාභී පවුල් ඒකක සඳහා ඩොලර් 350 දක්වා බලශක්ති සහන ලබා දීමට මෙවර ප්‍රාන්ත අයවැයෙන් තීරණය කර තිබෙනවා.

Read More »

වික්ටෝරියා ප්‍රාන්තයේ අපරාධ නතර කරන්න එන අලුත්ම නීතිය

වික්ටෝරියා ප්‍රාන්තයේ සිදු වන කිසියම් හෝ අපරාධයක වගකීම ගැනීමට හැකි වයස් සීමාව අවුරුදු 12 දක්වා ඉහළ නැංවීමට පියවර ගෙන තිබෙනවා.

Read More »

ඔස්ට්‍රේලියා ධවතුන් නිවාස හදන ප්‍රදේශ බදු කාර්යාල වාර්තා හෙළි කරයි

ඔස්ට්‍රේලියාවේ ධනවතුන් වැඩි වශයෙන් ජීවත් වන ප්‍රදේශවලට අයත් postcodes සම්බන්ධයෙන් නව වාර්තාවක් ඉදිරිපත් කර තිබෙනවා.

Read More »