වික්ටෝරියා ප්‍රාන්තයේ කුලී නිවාස අවම ප්‍රමිතීන් සපුරා නැහැ

වික්ටෝරියා ප්‍රාන්තයේ කුලී නිවාස ඉලක්ක කර ගනිමින් සිදු කළ රහසිගත සමීක්ෂණයක දි හෙළිව ඇත්තේ ඇතැම් කුලී නිවාස අවම ප්‍රමිතීන්වත් සපුරා ගැනීමට නොහැකි ව ඇති බවයි.

 

පාරිභෝගික ප්‍රතිපත්ති පර්යේෂණ මධ්‍යස්ථානය  විසින් සිදු කළ රහසිගත සමීක්ෂණයකට අනුව දැරිය හැකි මිල මට්ටම් වල පවතින නිවාස වල නඩත්තුව සම්බන්ද ගැටළු හා අවම ප්‍රමිතීන් පිළිබඳ ගැටළු  පැවති බවයි.

 

පවතින තරඟකාරී කුලීනිවාස වෙළඳපොල හේතුවෙන් බොහෝදෙනෙක් අනාරක්ෂිත හා ජීවත්වීමට නුසුදුසු නිවාස තෝරාගැනීමට පෙළඹෙන බවද අනාවරණය වී තිබෙනවා.

 

වික්ටෝරියානු ප්‍රාන්තයේ කුලී දේපල සඳහා තිබිය යුතු අවම ප්‍රමිතීන් 2021 වසරේදි මාර්තු 29 වන දා නිකුත් කර තිබුණා.

 

එම ප්‍රමිතීන්ට අනුව පිටත දොරවල් සඳහා දොර අගුලු තිබීම, විවෘත කල හැකි සහ වැසිය හැකි පිටත ජනේල, නිවසේ සියලු කොටස් ආවරණය වන පරිදි විදුලි බුබුළු,හොඳ තත්වයේ මුළුතැන් ගෙයක් සහ හොඳ තත්වයේ පවතින වැසිකිලියක් යන නිර්නායකයන් ඊට ඇතුළත්.

 

මෙල්බන් අගනුවර සහ තදාසන්න කුලී නිවාස 100කට වැඩි ප්‍රමාණයක් අධ්‍යයනය කරමින් මෙම සමීක්ෂණය සිදු කර ඇති අතර මෙම නිවාසවලින් හතරෙන් එකකට වඩා නඩත්තු ගැටළු පවතින බවයි වාර්තා වී ඇත්තේ

 

අඩු කුලී මිල ගණන් යටතේ පවතින නිවාස වලින් සියයට 40 ක් පමණ හොඳින් නඩත්තු කර නැති බව හෙළිව තිබෙනවා.

මෙල්බන් ඇතුලු ප්‍රදේශ රැසක කාලගුණ වෙනසක් ගැන දැනුම්දීමක්

මෙම සති අන්තයේ ඔස්ට්‍රේලියාවේ ගිනිකොන දෙසින් ඇති වන කාලගුණික වෙනසක් හේතුවෙන් වසර පහකට පසු මෙල්බන් සහ ඒ අවට කලාපයේ සිසිල්ම දින කිහිපය වනු ඇති බවට කාලගුණ අංශ අනාවැකි පල කර තිබෙනවා.

Read More »

වාර්තාවක් තබමින් ශ්‍රී ලංකා කණ්ඩායමට ගෙදර එන්න වෙයි

2024 T20 ලෝක කුසලාන ක්‍රිකට් තරගාවලියේ පළමු වටයෙන්ම ශ්‍රී ලංකාව ඉවතට විසිවී ඇති බව ජාත්‍යන්තර ක්‍රිකට් කවුන්සිලය නිල වශයෙන් ප්‍රකාශයට පත්කර තිබෙනවා.

Read More »