ඔස්ට්‍රේලියානු තරුණ ප්‍රජාවට සෞඛ්‍ය සම්පන්න පරිසරයක අයිතීන් අහිමි වෙයි

ඔස්ට්‍රේලියානු තරුණ ප්‍රජාවට ජාත්‍යන්තර ප්‍රමීතීන්ට අනුකුල සෞඛ්‍ය සම්පන්න පරිසරයක අයිතීන් ආරක්ෂාකර දීම අත්‍යාවශ්‍ය බව නවතම සමීක්ෂණයකින් හෙළිව තිබෙනවා.

ඔස්ට්‍රේලියානු සංරක්ෂණ පදනම විසින් සිදුකල අධ්‍යයනයක දී තහවුරු වී ඇත්තේ වයස අවුරුදු 13 ත් 24 ත් වියෙහි පසුවන සෑම 10 දෙනෙකුගෙන් 09 කගේම සෞඛ්‍ය සම්පන්න පරිසරයක් අයිතීන් කඩවන බවයි.

ලොව රටවල් 160 කට වැඩි සංඛ්‍යාවක් සෞඛ්‍ය සම්පන්න පරිසරයක අයිතීන් නීති ගත කර ඇති නමුත් ඔස්ටේ්‍රලියාව තුල කිසිදු අධිකරණ බලයක් ඒ සම්බන්ධව බලාත්මක වන්නේ නැහැ.

ඔස්ට්‍රේලියානු සංරක්ෂණ පදනම සඳහන් කළේ සෞඛ්‍ය සම්පන්න පරිසරයක් සඳහා ඇති අයිතිය නීතිගත කිරීමට අපොහොසත්වීම මගින් ඔස්ටේ්‍රලියාව අනෙකුත් රටවලට සාපේක්ෂව පසුබෑමකට ලක්ව ඇති බවයි.

කෙසේ වෙතත් ACT ප්‍රාන්තය සෞඛ්‍ය සම්පන්න පරිසරයක් සඳහා වන අයිතිය නීතිගත කිරීම මේ වන විට ආරම්භ කර ඇති අතර නිව් සවුත් වේල්ස් ප්‍රාන්තය දේශගුණික ක්‍රියාකාරකම් පිළිබද මාර්ගෝපදේශ මූලධර්ම පද්ධතියක් ද හඳුන්වා දී තිබෙනවා.

සෞඛ්‍ය සම්පන්න පරිසරයක් සඳහා ඇති අයිතින් නීතිගත කරදෙන මෙන් ඉල්ලමින් තරුණ ප්‍රජාව උද්ඝෝෂණ හා පෙළපාලිද රට පුරා සංවිධාන කර තිබුණා.

BBQ සෝස් ගැන කවුරුත් නොදන්න සත්‍ය හෙළිවෙයි

ඕස්ට්‍රේලියානුවන් ආහාර පරිභෝජනයේදී භාවිතා කරනු ලබන BBQ සෝස්වල අධික සීනි සාන්ද්‍රණයක් අඩංගු බවට නව සමීක්ෂණයකින් හෙළිවී ඇතැයි වාර්තා වනවා.

Read More »

ඔස්ට්‍රේලියාවේ සේවය කරන ඔබටත් වැටුප් ලැබෙන්නේ මෙහෙම ද?

සාමාන්‍ය ඔස්ට්‍රේලියානු සේවකයෙකූ සෑම වසරකදීම ඩොලර් 21,000ක වැටුපක් ලැබිය යුතු අමතර කාලයක් සේවයේ නිරත වී ඇති බව නව සමීක්ෂණයක් මගින් අනාවරණය වී තිබෙනවා.

Read More »

තරග පැරදුණු ශ්‍රී ලංකා කණ්ඩායම ගංවතුරට කොටුවෙයි

අමෙරිකාවේ ෆ්ලොරිඩා ප්‍රාන්තයට බලපෑම් කර ඇති ජලගැලීම් තත්ත්වය හේතුවෙන් ශ්‍රී ලංකා ක්‍රිකට් කණ්ඩායමට ද බටහිර ඉන්දීය දූපත් බලා පිටත්ව යාමට නොහැකි වී ඇතැයි වාර්තා වනවා.

Read More »