එක්සත් රාජධානියේ තුන්වන චාර්ල්ස් රජු පිළිකා තත්ත්වයක් සඳහා ප්රතිකාර අරඹා ඇතැයි බකිංහැම් මාලිගය පවසනවා.
ඔහුගේ පුරස්ථි ග්රත්ථියෙහි විශාල වීමක් පිළිබඳ මීට පෙර කරන ලද වෛද්ය පරීක්ෂණවලින් සොයාගෙන තිබුණ බව ද ඒ පිළිබඳව වැඩිදුර පරීක්ෂණ සිදුකරන අවස්ථාවේ පිළිකා තත්ත්වය දැනගෙන ඇති බව ද බකිංහැම් මාලිගය විසින් නිකුත් කළ නිවේදනයේ දැක්වෙනවා.
එසේ වුවද නිශ්චිත වශයෙන් පිළිකා වර්ගය අනාවරණය වී නොමැති අතර ප්රතිකාර ඉතා සාර්ථකව සිදුකෙරෙන බව සදහන්.
මේ වන විට ප්රතිකාර කටයුතු ආරම්භ වී ඇති අතර ප්රතිකාර අතරතුර මහජන එකරාශීවීම් රාජකාරි කල් දමන බව ද එම නිවේදනයේ වැඩිදුරටත් දැක්වෙනවා.
මේ අතර ප්රතිකාර ඉතා සාර්ථකව සිදු කෙරෙන බැවින් හැකි ඉක්මනින් සම්පූර්ණ රාජ්ය රාජකාරියට ආපසු සහභාගි වීමට බලාපොරොත්තු වන බවද සදහන්.
මෙලෙස රජු අසනීප තත්වය හේතුවෙන් රාජකාරී සදහා විරාමයක් තැබුවද, රජතුමා ලේඛන කටයුතු සහ පුද්ගලික රැස්වීම් ඇතුළුව රාජ්ය නායකයා ලෙස ඔහුගේ ව්යවස්ථාපිත භූමිකාව දිගටම කරගෙන යනු ඇති බව බකිංහැම් මාලිගය පවසනවා.
එලෙස රාජකාරි කටයුතු සම්පූර්ණයෙන්ම නවතන ලෙසට වෛද්යවරුන් උපදෙස් ලබා දී නොමැති අතර අසනීප තත්වය රාජ්ය පාලන කටයුතු වලට බලපෑම් නොවන බවද සදහන්.
