ඔස්ට්‍රේලියා ලේඛකයෙකුට චීනයේදී මරණ දඬුවම

චීන අධිකරණයක් විසින් චීන සම්භවයක් සහිත ඔස්ට්‍රේලියා ජාතික යැං හෙන්ජුන් නම් ලේඛකයාට අත්හිටවූ මරණ දඬුවමක් නියම කර තිබෙනවා.

ඔත්තු බැලීමේ චෝදනාවට අත්අඩංගුවට ගෙන සිටි ඔහුට වසර පහකට පසුවයි චීන අධිකරණය මෙම අත්හිටවූ මරණ දඬුවම නියම කර ඇත්තේ.

එම දඬුවම වසර දෙකකට පසු ජීවිතාන්තය දක්වා වන සිරදඬුවමක් බවට පරිවර්තනය කළ හැකි අත්හිටවූ සිර දඬුවමක් බවයි ඔස්ට්‍රේලියා විදේශ අමාත්‍යවරයා සඳහන් කළේ.

විද්වතෙකු සහ නවකතාකරුවෙකු වන ආචාර්ය යැං ඔහුට එරෙහි මෙතෙක් ප්‍රසිද්ධියට පත් නොකළ චෝදනා ප්‍රතික්ෂේප කරනවා.

ඕස්ට්‍රේලියානු පුරවැසියෙකු, ලේඛකයෙකු සහ ප්‍රජාතන්ත්‍රවාදී ක්‍රියාකාරිකයෙකු වන යැං හෙන්ජුන් ඔත්තු බැලීමේ චෝදනාව මත 2019 වසරේ සිට චීනයේ සිරගතවයි පසුවන්නේ.

ඔහු නිදහස් කරන ලෙස ඔස්ට්‍රේලියානු රජය පෙත්සමක් ඉදිරිපත් කර ඇති අතර සෙනෙට් සභික වොන්ග් මෙම අධිකරණ තීන්දුව බිහිසුනු එකක් ලෙසට හඳුන්වා දෙමින් පැහැදිලි කිරීමක් සඳහා චීන තානාපතිවරයා ද කැඳවා තිබෙනවා.

පසුගිය වසරේ වෛද්‍ය යැංගේ පවුලේ සාමාජිකයන් අගමැති ඇන්තනි ඇල්බනීස් වෙත ලිපියක් යොමු කරමින් ඔහුගේ සෞඛ්‍ය තත්ත්වය ශීඝ්‍රයෙන් පිරිහෙමින් පවතින බවට අනතුරු අඟවා සිටි අතර චීන සංචාරයේදී ආචාර්ය යැං නිදහස් කර ගැනීමට පියවර ගන්නා ලෙස ද ඉල්ලා සිටියා.

මීට පෙර චීන රාජ්‍ය ආරක්‍ෂක අමාත්‍යාංශයේ සේවය කළ ආචාර්ය යැං “ප්‍රජාතන්ත්‍රවාදී පදික වෙළෙන්දා” යන අන්වර්ථ නාමයෙන් හඳුන්වනු ලැබූවා.

57 හැවිරිදි ඔහු 2019 ජනවාරි මාසයේදී Guangzhou ගුවන් තොටුපලේදී අත්අඩංගුවට ගනු ලැබුවේ ඔත්තු බැලීමේ චෝදනා ල මතයි.

ඕස්ට්‍රේලියා නිලධාරීන් මෙම අත්අඩංගුවට ගැනීම සහ ඊට අදාළ නඩු සම්බන්ධයෙන් මීට පෙර අවධානය යොමු කර තිබුණ ද චීන විදේශ අමාත්‍යාංශය අනතුරු අඟවා තිබුණේ නඩුවට මැදිහත් නොවී අධිකරණ ස්වෛරීභාවයට ගරු කරන ලෙසටයි.

වෛද්‍ය යැං රැඳවුම් භාරයේ සිටියදී අවස්ථා 300 කට වැඩි ප්‍රශ්න කිරීම්වලට සහ මාස හයකට වඩා දරුණු වධ හිංසාවලට ලක්ව ඇති බව ඔහුගේ පවුලේ අය ප්‍රකාශ කර තිබෙනවා.

උද්ධික ප්‍රේමරත්න මන්ත්‍රී ධුරයෙන් ඉල්ලා අස්වෙයි

ශ්‍රී ලංකා පොදුජන පෙරමුණේ අනුරාධපුර දිස්ත්‍රික් පාර්ලිමේන්තු මන්ත්‍රී උද්ධික ප්‍රේමරත්න සිය මන්ත්‍රී ධුරයෙන් ඉල්ලා අස්වීමට තීරණ කර තිබෙනවා.

Read More »

සාර්ථක සංගීත සංචාරය අවසානයේ පියා නිසා ටේලර් ස්විෆ්ගේ නමට කැළලක්

ඕස්ට්‍රේලියාවේ සංගීත සංචාරයකට එක්ව සිටි ජනප්‍රිය ගායිකා ටේලර් ස්විෆ්ට්ගේ පියා සිඩ්නි වරාය තොටුපලේදී කැමරාකරුවෙකුට පහර දුන් බවට කියන චෝදනා මත පොලිසිය විමර්ශණ ආරම්භ කර තිබෙනවා.

Read More »

ඔස්ට්‍රේලියාව සමග තරගය අහිමි වීම නිසා නවසීලන්ත ප්‍රබලයෙක් ටෙස්ට් තරග බිමට සමුදෙයි

වහාම ක්‍රියාත්මක වන පරිදි ජාත්‍යන්තර ක්‍රිකට් ක්‍රීඩාවෙන් විශ්‍රාම ගන්නා බව නවසීලන්ත පන්දු යවන ක්‍රීඩක නීල් වැග්නර් නිවේදනය කර තිබෙනවා.

Read More »

පිබිදෙන ජීවිත 68ක් නැති කළ කැස්ස සිරප් එක නිසා 23 දෙනෙකුට අමතක නොවන පාඩමක්

කැස්ස සිරප් පානය කිරීම හේතුවෙන් ළමුන් 68 දෙනෙකු මියයාමේ සිද්ධියට අදාළව උස්බෙකිස්තාන අධිකරණයක් පුද්ගලයින් 23 දෙනෙකුට සිර දඬුවම් නියම කර තිබෙනවා.

Read More »