70 හැවිරිදි කාන්තා ඝාතනයට 15 හැවිරිදි පිරිමි ළමයෙක් අත්අඩංගුවේ

සාප්පු සංකීර්ණයක දී වයස්ගත කාන්තාවකට තියුණු ආයුධයකින් ඇන ඝාතනය කිරීමේ සිද්ධිය සම්බන්ධයෙන් ක්වීන්ස්ලන්ත පොලිසිය වයස අවුරුදු 15ක පිරිමි ළමයෙකු අත්අඩංගුවට ගෙන තිබෙනවා.

පසුගිය සති අන්තයේ 70 හැවිරිදි කාන්තාවක් ඝාතනය කිරීම සම්බන්ධයෙන් සිදුකරන විමර්ශනවලට අදාළව සැකකාර පිරිමි ළමයා අත්අඩංගුවට ගෙන ඇති බවයි පොලිසිය සඳහන් කළේ.

සැකකරු ඉරිදා රාත්‍රී 9:30 ට පමණ ඉප්ස්විච් පොලිස් ස්ථානයට පැමිණීමෙන් අනතුරුව මෙලෙස අත්අඩංගුවට පත්වී ඇති අතර සොරකම් කළ මෝටර් රථයක් නීති විරෝධී ලෙස භාවිත කිරීම සම්බන්ධයෙන් ද ඔහුට චෝදනා එල්ල වී ඇතැයි සඳහන්.

පසුගිය සෙනසුරාදා ඉප්ස්විච් හි සාප්පු සංකීර්ණයක දී හය හැවිරිදි මිනිබිරිය ද බලා සිටියදී මෙම වයස්ගත කාන්තාව ඝාතනය කර තිබුණේ මංකොල්ලකෑමක් සඳහා බවටයි හෙළිවී ඇත්තේ.

පොලිසිය අවධාරණය කළේ මෙම ඝාතනය සිදු කළේ කවුරුන්ද යන්න නිශ්චිතව හෙළිකර ගන්නා තෙක් 24පැය පුරා පරීක්ෂණ සිදු කරන බවට සහතික වන බවයි.

පිහි ඇනුම සිදු වූ ස්ථානයේ සීසීටීවී දර්ශනවලට අනුව තවත් පුද්ගලයින් තිදෙනෙකු හඳුනාගෙන ඇති අතර ඔවුන් සොයා විමර්ශන ක්‍රියාත්මකයි.

මිත්තණියගේ ඝාතනයට අදාළව අත්අඩංගුවට ගත් පිරිමි 15 හැවිරිදි පිරිමි ළමයා අද ඉප්ස්විච් හි ළමයින් සඳහා වන අධිකරණයට ඉදිරිපත් කෙරෙනු ඇති.

NSWහිදී මෝර ප්‍රහාරයට ලක්වූ Surfing ක්‍රීඩකයාගේ පාදයක් වෙරළට ගසාගෙන එයි

නිව් සවුත්වේල්ස් ප්‍රාන්තයේ පෝට් මැක්වාරි හිදී (Port Macquarie) මෝරෙකුගේ ප්‍රහාරයකට ලක්වූ සර්ෆින් ක්‍රීඩකයෙකුගේ පාදයක් වෙරළ තීරයට ගසාගෙන ඒමේ සිදුවීමක් වාර්තා වනවා.

Read More »