ක්වීන්ස්ලන්ඩ් ප්‍රාන්තයේ ළදරු මරණ වැඩිවීමේ ප්‍රවණතාවක් පවතින බව අධ්‍යයනයක දී හෙළිව තිබෙනවා
ඒ අනුව ඔස්ට්‍රේලියාව තුළ වැඩිම මළ දරු උපත් සංඛ්‍යාව සහ දරු ප්‍රසූතියෙන් දින 28ක් ඇතුළත ළදරු මරණ වාර්තාවීම් අතින් ක්වින්ස්ලන්ඩ් ප්‍රාන්තය දෙවන ස්ථානයට පත්ව තිබුණා.
වැඩිම උපත් මරණ සංඛ්‍යාවක් වාර්තා කිරීම අතින් ඉහළ ස්ථානයට පත්ව ඇත්තේ ඔස්ට්‍රේලියාවේ උතුරු කළාපයයි.
ප්‍රාන්ත සෞඛ්‍ය අමාත්‍ය ෂැනන් ෆෙන්ටිමන් පැවසුවේ මේ සම්බන්ධයෙන් වැඩිදුරටත් සොයා බලා අවශ්‍ය වෛද්‍ය පහසුකම් තව දුරටත් ප්‍රාන්තය පුරා පුලුල් කරන බවයි.
මෙලෙස මළ දරු උපත් සහ ළදරු මරණ වලට හේතු සහ නිර්දේශ හඳුනා ගැනීම සඳහා සායනික සමාලෝචනයක් කිරීමට ද අමාත්‍යවරිය නියෝග කර තිබෙනවා.
ක්වින්ස්ලන්ඩ් ප්‍රාන්තයේ සෑම උපත් දහසකදීම සියයට 11.5ක් උපතේදීම මිය යන බවයි වාර්තා වන්නේ.
කෙසේ වෙතත් ක්වීන්ස්ලන්ඩ් ප්‍රාන්තයේ මළ දරු අනුපාතය පහළ දැමීම සඳහා ගර්භනී මව්වරුන් දැනුවත් කිරීමේ නව වැඩපිළිවෙලක් ආරම්භ කරන බවයි සෞඛ්‍ය අංශ දැනුම් දී ඇත්තේ.
