ශ්‍රී ලංකාවේ ආන්දෝලනාත්මක පංච පුද්ගල ඝාතනයට සිද්ධියකට සම්බන්ධ සැකකාරියන් දෙදෙනෙක් අත්අඩංගුවට ගෙන තිබෙනවා.
ඒ පසුගියදා බෙලිඅත්ත පොලිස් වසමේ දක්ෂිණ අධිවේගී මාර්ග පිවිසුම ආසන්නයේ දී පුද්ගලයින් පස්දෙනෙක් වෙඩිතබා ඝාතනය කිරීමේ සිද්ධියට අදාළවයි.
ඊයේ :29* උදෑසන හක්මණ පොලිස් ස්ථානයේ නිලධාරීන් කණ්ඩායමක් රත්ගම ප්‍රදේශයේ සිදුකළ මෙහෙයුමකින් අනතුරුව මෙම කාන්තාවන් දෙදෙනා අත්අඩංගුවට ගෙන තිබුණා.
පොලිස් මාධ්‍ය කොට්ඨාසය සඳහන් කළේල එලෙස අත්අඩංගුවට ගෙන ඇත්තේ වසය අවුරුදු 23ක් හා 33ක් වන බූස්ස ප්‍රදේශයේ පදිංචිකරුවන් දෙදෙනෙක් බවයි.
අපරාධය සිදුකිරීමට යොදාගත් ගිනිඅවි දෙක අපරාධය සිදුකිරීමෙන් පසු මෙම එක් සැකකාරියකට අයත් යතුරුපැදියකින් කරාපිටිය ප්‍රදේශයේ සිට බූස්ස ප්‍රදේශයට ප්‍රවාහනය කර ඇති බවට සිදුකළ විමර්ශනයේ දී අනාවරණය වී තිබිණා
සිද්ධිය සම්බන්ධයෙන් හක්මණ පොලීසිය වැඩිදුර විමර්ශන ක්‍රියාත්මකයි.
