මෙල්බන් හි ළමා සුරැකුම් මධ්‍යස්ථානයකට සහභාගී වූ දරුවෙකුට කොරෝනා!
මෙල්බර්න් හි ගිනිකොන දෙසින් පිහිටි ළමා සුරැකුම් මධ්‍යස්ථානයකට සහභාගී වූ දරුවෙකු සහභාගී දින 2කට පසුව විදේශ රටකදී කොරෝනා සඳහා ධනාත්මක ප්‍රතිඵල ලැබීමත් සමඟ එම ළමා මධ්‍යස්ථානය වසා දැමීමට බලධාරීන් තීරණය කර ඇත.
මේ අනුව, Explorers Early Learning Armadale වන ළමා ආරක්ෂණ මධ්‍යස්ථානයේ Kingfishers පන්ති කාමරය ගැඹුරු පිරිසිදු කිරීම සඳහා වසා දමා ඇත.
ළමාරක්ෂක මධ්‍යස්ථානයේ සිටියදී දරුවා රෝග ලක්ෂණ නොපෙන්වූ නමුත් සෙනසුරාද උදෑසන විදෙස් ගතව සිටියදී රෝග ලක්ෂණ පෙන්නුම් කරන ලදී.
එම මධ්‍යස්ථානයේ සාමාන්‍යාධිකාරී ජැරෝඩ් මැක්ඩොනල්ඩ් පැවසුවේ මධ්‍යස්ථානය පැය 48 ක් පමණ වසා තබන බවයි.
ජනවාරි 7 සහ 8 යන දිනවල Kingfishers සහ Red Gums පන්ති කාමරවලට සහභාගී වූ සියලුම පවුල් තවදුරටත් දැනුම් දෙන තුරු ස්වයං හුදෙකලා වීමට උපදෙස් දී ඇති බවට සඳහන්.
සියළුම කාර්ය මණ්ඩල සාමාජිකයින්ට ද කොරෝනා පරීක්ෂාවට ලක් කිරීමට උපදෙස් දී ඇත.
අද දින ප්‍රජා සම්ප්‍රේෂණයෙන් කිසිඳු කොරෝනා රෝගියෙකු වාර්තා නොවූවද වික්ටෝරියානු රජය පැවසුවේ අද සවස 5 න් පසුව තවත් වාර්තාවක් ලබා දීමට නියමිත බවයි.
