ගම්පහ, මල්වතුහිරිපිටිය ප්රදේශයේ විහාරවාසී හිමිනමක් වෙඩි තබා ඝාතනය කර තිබෙනවා.
අද (ජන. 23) උදෑසන 11.50 ත් 12.00ත් අතර කාලය තුළ මෙම වෙඩි තැබීම සිදු කර ඇති බවයි වාර්තා වන්නේ.
43 හැවිරිදි කලපලුවාවේ ධම්මරතන නම්වූ උන්වහන්සේ අපවත්වී ඇත්තේ ගම්පහ මහ රෝහලට ඇතුළත් කිරීමෙන් අනතුරුවයි.
වැලිවේරිය විහාරස්ථානයක වෙසෙන උන්වහන්සේ තාවකාලිකව කහටාන ගණාරාම මහා විහාරයේ සිට ඇති බව පොලිසිය සදහන් කර තිබෙනවා.
පොලිස් මාධ්ය කොට්ඨාසය සඳහන් කළේ, පුද්ගලයන් 4 දෙනෙකු මෝටර් රථයකින් අදාළ හිමිනම වැඩ වාසය කළ විහාරස්ථානයට පැමිණ මත්ද්රව්ය ළඟ තිබේදැයි පරීක්ෂා කිරීමට යැයි පවසා එම ඝාතනය සිදු කර ඇති බව යි.
ටී-56 ගිනි අවියකින් මෙම වෙඩි තැබීම සිදු කර ඇති බව පොලිස් මාධ්ය කොට්ඨාසය වැඩිදුරට ත් සඳහන් කර තිබෙනවා.
