හමාස් සංවිධානය වෙත සම්බාධක පැනවීමට ඔස්ට්‍රේලියාවද එකඟ වන බවයි විදේශ අමාත්‍ය පෙනී වොන්ග් පවසන්න.
ඇමරිකාව සහ බ්‍රිතාන්‍ය හමාස් සංවිධානයට ආර්ථික සම්බාධක පැනවීමට තීරණය කළා.
ඊට එක්වෙමින් හමාස් සංවිධානය සහ ඊට අනුබද්ධිත තවත් ක්‍රියාකාරී කණ්ඩායම් කිහිපයකට එරෙහිව සම්බාධක පනවන බවයි ඔස්ට්‍රේලියා විදේශ අමාත්‍යවරිය සඳහන් කරන්නේ.
හමාස් සංවිධානයට සම්බන්ධ පුද්ගලයින් 12 දෙනෙකුට එරෙහිව ද ආර්ථික සම්බාධක පැනවීමෙන් හමාස් හි මූල්‍ය ස්ථාවරත්වයට අභියෝග කළ හැකි බවයි විශ්වාස කෙරෙන්නේ.
මුදල් රැස්කිරීමට හමාස් සංවිධානය විවිධ ක්‍රියාකාරකම්වල නිරතවන අතර ක්‍රිප්ටො කරන්සි ආදිය ද භාවිත කිරීම වර්ධනය වී තිබෙනවා.
එවැනි තත්ත්වයකදී විවිධ ක්ෂේත්‍රවලින් ඔවුන්ට සම්බාධක පැනවීමට පියවර ගන්නා බවයි පෙනී වොන්ග් පවසන්නේ.
