ඔස්ට්‍රේලියා වෙරළ ඛාදනයේ අයහපත් ප්‍රතිඵල අවම කිරීමට නව තාක්ෂණය යොදා ගැනෙනවා.
අයහපත් කාලගුණ තත්ත්ව සමග නිර්මාණය වූ සුළි කුණාටු වලින් ඔස්ට්‍රේලියා වෙරළ තීරයට දැඩි හානි සිදුව තිබෙනවා.
ඔස්ට්‍රේලියාවේ සමස්ත වෙරළ තීරය කිලෝ මීටර් 34 දහසක් පමණ ක් පැතිර ඇති අතර සමස්ත වෙරළ තීරයට අයහපත් බලපෑම් එල්ල වන බවයි වාර්තා වෙන්නේ.
තත්වය පාලනය සඳහා නව තාක්ෂණික ක්‍රමෝපා කෙරෙහි ඔස්ට්‍රේලියාව අවධානය යොමු කර තිබෙනවා.
ඒ අනුව වෙරළ තීරය ආශ්‍රිතව කෘත්‍රිම කොරල් පර ස්ථාපනයට පියවර ගන්නා බවයි බලධාරීන් පවසන්නේ.
පරිසරික හානි සිදු නොවන අයුරින් සැකසෙන කොරල්පර ආශ්‍රිතව මුහුදු ජීවී විශේෂ ද ව්‍යාප්ත වනු ඇති බවයි විශ්වාස කෙරෙන්නේ.
සාගරයේ ජෛව විවිධත්වය පවත්වා ගැනීමට එය පිටිවහලක් බවයි සාගර විශේෂඥයන් පවසන්නේ.
