බාල වයස්කාර දැරියක් හා සම්බන්ධතාවක් පැවැත්වීමේ සිද්ධියක් සම්බන්ධයෙන් ඔස්ට්‍රේලියා පැසිපන්දු ක්‍රීඩක Josh Giddey ට එරෙහිව කැලිෆෝනියා පොලිසිය විසින් ගෙන ගිය විමර්ශන නවතා දමා තිබෙනවා.
ඒ අනුව Josh Giddeyට එරෙහිව පැවති චෝදනා වලින් ඔහු නිදහස්ව ඇති බව සඳහන්.
පොලිස් පරීක්ෂණ වලදී තහවුරු වී ඇත්තේ එවැනි සිදුවීමක් සම්බන්ධයෙන් පිළිගත හැකි කිසිදු සාක්ෂියක් හමු නොවු බවයි.
සමාජ මාධ්‍ය ජාලා ඔස්සේ හුවමාරු වූ ඡායාරූප සහ විඩියෝ පට කිහිපයක් මුල් කරගනිමින් ඔහුට එරෙහි චෝදනා ගොනුව තිබුණා.
එම ඡායාරූප සහ විඩියෝ පටවල සිටි තරුණිය බාලවයස්කාර දැරියක් බවට සමාජ මාධ්‍ය ඔස්සේ නොයෙක් ප්‍රචාර ගෙන ගියා.
සිද්ධිය සම්බන්ධ විමර්ශන පසුගිය නොවැම්බර් මස ආරම්භ වු අතර සියලු චෝදනා වලින් Josh Giddey නිදහස් වී තිබෙනවා.
Josh Giddey තමන්ට එල්ල වූ චෝදනා සම්බන්ධයෙන් අදහස් දැක්වීම ප්‍රතික්ෂේප කර ඇති බව සඳහන්.
ඔස්ට්‍රේලියා පැසිපන්දු ක්‍රීඩාවට එක්වු ලාබාලතම ක්‍රීඩකයා Josh Giddey වන අතර 21 හැවිරිදි ඔහු ජූලි මාසයේදී ආරම්භ වන පැරිස් ඔලිම්පික් උළෙලේ සඳහා එක්විමට ද නියමිතයි.
