ජනවාරි 13 වනදා වික්ටෝරියා හි පැවැත්වීමට නියමිතව තිබූ දැවැන්ත Coastal Jam සංගීත සැණකෙළියක් අවලංගු කිරීමට සංවිධායකයින් පියවර ගෙන තිබෙනවා.
වසර 6ක් පුරා අඛණ්ඩව පවත්වාගෙන ආ මෙම සැණකෙළිය පවතින ජීවන වියදම හමුවේ අවලංගු කිරීමට තීරණය කල බවයි එහි නිර්මාතෘ Adam Metwally සඳහන් කර ඇත්තේ.
කෙසේ වෙතත් මේ වන විටත් සංගීත සැණකෙළිය සඳහා ප්‍රවේශපත්‍ර මිලදී ගත් රසිකයින් සඳහා එම මුදල් ආපසු ලබා දීමට සංවිධායකයින් පියවර ගෙන තිබෙනවා.
පසුගිය වසර වලට සාපේක්ෂව මෙවර Coastal Jam සංගීත සැණකෙළිය සඳහා ප්‍රවේශපත් අළෙවිය මන්දගාමී මුහුණුවරක් ගෙන ඇති බව සඳහන්.
Adam Metwally සිය Instagram ගිණුමෙහි සටහනක් තබමින් කියා සිටියේ ජීවන වියදම හමුවේ ඔස්ට්‍රේලියානුවන්ට විනෝදකාමි උත්සව සඳහා වැය කිරිමට ප්‍රමාණවත් මුදලක් නොමැති බවයි.
කෙසේ වෙතත් Coastal Jam රසිකයින් සැණකෙළිය අවලංගු කිරීමට ගත් තීරණය සම්බන්ධයෙන් කිසිදු පැහැදිමක් නොමැති බවයි සඳහන් කර ඇත්තේ.
