හදිසි ජලගැලීම් ඇතිවිය හැකි ප්‍රදේශවල ජනතාව ආරක්ෂක ක්‍රියාමාර්ග ගත යුතු බව වික්ටෝරියා හදිසි අවස්ථා කළමනාකරණ කොමසාරිස් Rick Nugent පෙන්වා දෙනවා.
වික්ටෝරියා ප්‍රාන්තයේ ප්‍රදේශ රැසකට ඉදිරි පැය කිහිපයේදී ධාරාණිපාත වැසි ඇතිවීමට නියමිතයි.
ඒ හේතුවෙන් හදිසි ජලගැලීම් සිදුවනු ඇතැයි අනතුරු අඟවා තිබෙනවා.
වික්ටෝරියා උතුරු, මධ්‍යම සහ මෙල්බන්හි ප්‍රදේශ කිහිපයකටත් අයහපත් කාලගුණයේ බලපෑම් එල්ල වනු ඇති.
කැරවෑන් සහ කඳවුරු භූමිවල රැඳී සිටින්නන් පවතින කාලගුණය පිළිබඳ විශේෂ අවධානයක් යොමු කළ යුතු බවයි නියුජන්ට් පෙන්වා දෙන්නේ.
දැඩි සුළං නිසා ගස් කඩා වැටීමේ ඉඩකඩක් පවතිනවා.
එවැනි අනතුරුවලින් වැළකීමටත්, හදිසි ජලගැලීම්වලදී ජලය මතින් රථවාහන ධාවනයෙන් වැළකීමටත් අවධානය යොමු කළ යුතු බවයි වික්ටෝරියා හදිසි අවස්ථා කළමනාකරණ කොමසාරිස්වරයා සඳහන් කරන්නේ.
