සරණාගත ගැටලුවට ඩොලර් බිලියන ගණනක්

සරණාගත ගැටලුව විසඳීම සඳහා ඔස්ට්‍රේලියා රජයට ඩොලර් බිලියන ගණනක් වැය කිරීමට සිදුවනු ඇතැයි මත පලවෙනවා. 

නවතම දත්ත වලට අනුව මාසිකව දෙදහසක පමණ පිරිසක් ගුවන් යානා මගින් සරණාගතයන් ලෙස ඔස්ට්‍රේලියාවට පිවිසෙන බවයි වාර්තා වී තිබෙන්නේ.

ඊට අවධානය යොමු කරන සංක්‍රමණික දෙපාර්තමේන්තු  හිටපු නිලධාරී අබ්දුල් රිස්වි කියා සිටින්නේ තත්ත්වය පාලනය කිරීම සඳහා රජයෙන් සක්‍රිය මැදිහත් වීමක් අවශ්‍ය බවයි.

සරණාගතයන් සම්බන්ධ ග නව ක්‍රමවේද සැකසීම සඳහා රජය ඩොලර් මිලියන 160 ක් වෙන් කළද එය කිසිසේත් ප්‍රමාණවත් නොවන බවයි හිටපු නිලධාරියාගේ අදහස වී තිබෙන්නේ.

වීසා ලබාදීම සහ සරණාගත අයදුම්පත්‍ර විමර්ශනය විධිමත් හා කඩිනම් කළ යුතු බවත් ප්‍රතිපත්තිමය කරුණු සංශෝධනය විය යුතු බවත් ඔහු පෙන්වා දෙනවා.

වත්මන් රජය බලයට පත්වීමෙන් පසු සරණාගතභාවය පතා පැමිණෙන බොහෝ පිරිසක් ව්‍යාජ ලෙස රටට ඇතුළුවන බවටයි චෝදනා නැගෙන්නේ. 

දත්ත අනුව තහවුරු වන්නේ ඔස්ට්‍රේලියාවට ඇතුළුවන වැඩි පිරිසක් නියෝජනය කරන රටවල් වල  කිසිදු ව්‍යාකූලත්වයක් හෝ ගැටුම් නොමැති බවයි.

ඒ නිසා සරණාගතයන් ලෙස සැලකීම පිළිබඳ විශේෂ අවධානය යොමු කළ යුතු බවයි අවධාරණය කෙරෙන්නේ.

මේ අතර සංක්‍රමණික අමාත්‍ය ඇන්ඩෘ ජයිල්ස් කියා සිටින්නේ මීට පෙර පැවති සන්ධාන රජයේ අවධානයක් නොමැති වීම හේතුවෙන් සරණාගත ගැටලුව වර්ධනය වී ඇති බවයි.

ක්‍රමවේද අනුගමනයට පසුගිය රජය අපොහොසත් වීමත් වීසා ක්‍රියාවලිය දුර්වල වීමත් පවතින තත්ත්වයට හේතුව බවයි ඔහු පෙන්වා දෙන්නේ.

NSWහිදී මෝර ප්‍රහාරයට ලක්වූ Surfing ක්‍රීඩකයාගේ පාදයක් වෙරළට ගසාගෙන එයි

නිව් සවුත්වේල්ස් ප්‍රාන්තයේ පෝට් මැක්වාරි හිදී (Port Macquarie) මෝරෙකුගේ ප්‍රහාරයකට ලක්වූ සර්ෆින් ක්‍රීඩකයෙකුගේ පාදයක් වෙරළ තීරයට ගසාගෙන ඒමේ සිදුවීමක් වාර්තා වනවා.

Read More »