සහන යෝජනා ප්‍රායෝගික නොවන බවට චෝදනා

ජීවන වියදම හමුවේ පීඩා විදින ඔස්ට්‍රේලියානුවන්ට විරැකියා ප්‍රතිලාභ සහ විශ්‍රාම වැටුප් වැඩිකිරීමට ෆෙඩරල් රජය ගෙන ඇති යෝජනා සාධනීය විසඳුම් නොවන බව ආර්ථික විශේෂඥයින් පවසනවා.

එම සහන උද්ධමනය පාලනය කිරීම සඳහා තිරසර නොවන බවයි ඔවුන් පෙන්වා දෙන්නේ.

මැයි මස නිකුත් කිරීමට නියමිත අයවැය මගින් ජනතාවට සහන රැසක් ලබාදීමට භාණ්ඩාගාරයෙන් ප්‍රතිපාදන වෙන් කිරීමට සූදානම් බව අග්‍රාමාත්‍ය ඇන්තනී ඇල්බනීස් ප්‍රකාශ කළා.

මෙම මූල්‍ය වර්ෂයේ අයවැය අතිරික්තයක් පෙන්නුම් කරන අතර ඔස්ට්‍රේලියානුවන්ට දැනටමත් ලබා දෙන ජීවන වියදම් ආධාරය සඳහා වෙන්කළ මුදල ඩොලර් බිලියන 23 ක්.

ජීවන වියදම් පාලනය සඳහා පසුගිය වසරේ ක්‍රියාත්මක කළ ඇතැම් ක්‍රියාවන් මෙම වසර තුළ ද දීර්ඝකාලිනව සිදු කිරීමෙන් නිසි විසඳුම් ලබා ගත නොහැකි බව විචාරකයින් පෙන්වා දෙනවා.

කෙසේ වෙතත් උද්ධමනය සමතුලිතව පවත්වාගනිමින් ජීවන වියදම හමුවේ පීඩා විදින ජනතාවට පහසුකම් සැපයීමට අදාළ තිරසර විසඳුම් අත්‍යවශ්‍ය බවයි ආර්ථික විශේෂඥයින් පවසන්නේ.

උද්ධික ප්‍රේමරත්න මන්ත්‍රී ධුරයෙන් ඉල්ලා අස්වෙයි

ශ්‍රී ලංකා පොදුජන පෙරමුණේ අනුරාධපුර දිස්ත්‍රික් පාර්ලිමේන්තු මන්ත්‍රී උද්ධික ප්‍රේමරත්න සිය මන්ත්‍රී ධුරයෙන් ඉල්ලා අස්වීමට තීරණ කර තිබෙනවා.

Read More »

සාර්ථක සංගීත සංචාරය අවසානයේ පියා නිසා ටේලර් ස්විෆ්ගේ නමට කැළලක්

ඕස්ට්‍රේලියාවේ සංගීත සංචාරයකට එක්ව සිටි ජනප්‍රිය ගායිකා ටේලර් ස්විෆ්ට්ගේ පියා සිඩ්නි වරාය තොටුපලේදී කැමරාකරුවෙකුට පහර දුන් බවට කියන චෝදනා මත පොලිසිය විමර්ශණ ආරම්භ කර තිබෙනවා.

Read More »

ඔස්ට්‍රේලියාව සමග තරගය අහිමි වීම නිසා නවසීලන්ත ප්‍රබලයෙක් ටෙස්ට් තරග බිමට සමුදෙයි

වහාම ක්‍රියාත්මක වන පරිදි ජාත්‍යන්තර ක්‍රිකට් ක්‍රීඩාවෙන් විශ්‍රාම ගන්නා බව නවසීලන්ත පන්දු යවන ක්‍රීඩක නීල් වැග්නර් නිවේදනය කර තිබෙනවා.

Read More »