නව වසර තුළ ජාත්‍යන්තර සබඳතා පුලුල් කිරීමට ෆෙඩරල් රජය සූදානම් බව අග්‍රාමාත්‍ය ඇන්තනී ඇල්බනීස් පවසනවා.
පැසිෆික් කලාපීය සහයෝගීතාව ඇතුලු ජාත්‍යන්තර ප්‍රජාව අතර සුහඳතාව වර්ධනය කිරීම එහි අරමුණ බව සඳහන්.
මාධ්‍ය වෙත අදහස් දක්වමින් අග්‍රාමාත්‍යවරයා කියා සිටියේ ජාත්‍යන්තර ප්‍රජාව සමඟ වෙළඳ සබඳතා ශක්තිමත් කිරීමට ප්‍රතිපත්ති සැළසුම් කරන බවයි.
විශේෂයෙන් ඔස්ට්‍රේලියාව සහ චීනය සමඟ පවතින ද්විපාර්ශවීක සබඳතා පුලුල් කරගැනීම කෙරෙහි ද අග්‍රාමාත්‍යවරයාගේ අවධානය යොමුව තිබෙනවා.
චීනය සමඟ පෙර පැවති වෙළඳ සම්බාධක හේතුවෙන් ඔස්ට්‍රේලියාවට සිදුවු පාඩුව ඩොලර් බිලියන 20ක්.
මස් අපනයනය ඇතුලු ක්ෂේත්‍ර කිහිපයක ගැටලු පැවති අතර මෙම වසරේ දී එම ගැටලු සමතයකට පත් කරමින් ජාත්‍යන්තර සබඳතා තවදුරටත් පුලුල් වනු ඇතැයි අග්‍රාමාත්‍ය ඇන්තනී ඇල්බනීස් එහිදි සඳහන් කළා.
