හමාස් ප්‍රහාරයකින් ඊශ්‍රායල ආරක්ෂක අංශ නියෝජනය කළ ඔස්ට්‍රේලියා ජාතිකයෙක් මිය ගියා.
දකුණු දිග ගාසා හිදී කැප්ටන් ලයර් සිවන් මියගොස් ඇත්තේ හමාස් සංවිධානය රැක සිට එල්ල කරන ලද ප්‍රහාරයකින් බවයි වාර්තා වෙන්නේ.
ඊශ්‍රායලය සහ හමාස් අතර ගැටුමේදී මියගිය පළමු ඔස්ට්‍රේලියා ජාතිකයා ලෙස ඔහු සටහන් වෙනවා.
මෙල්බන් හි උපත ලැබීමෙන් පසු ඊශ්‍රායලයට සංක්‍රමණය වී ආරක්ෂක අංශයට සම්බන්ධ වූ කැප්ටන් සිවන් අනාගත බලාපොරොත්තු කිහිපයක් පිළිබඳ මියයාමට පෙර දින අදහස් දැක්වූ බවයි, ඔහුගේ බිරිය කියා සිටින්නේ.
පසුගිය ඔක්තෝබර් 07 වනදා හමාස් ප්‍රහාරය එල්ලවීමත් සමග මෙහෙයුම්වලට කැඳවන ලද සිවන් ඉදිරි සතියේ උපත ලැබීමට නියමිත දියණිය වෙනුවෙන් නිවාඩු ලබාගැනීමට දින කිහිපයකට පෙර මෙම ප්‍රහාරයට ලක්ව මියගිය බවයි, වාර්තා වෙන්නේ.
