ඔස්ට්‍රේලියා නව ආරම්භක පිතිකරු කොදෙව් තරගාවලියට පෙර

ඔස්ට්‍රේලියා ටෙස්ට් ක්‍රිකට් කණ්ඩායමේ නව ආරම්භක පිතිකරු නම් කිරීම බටහිර ඉන්දීය කොදෙව් තරගාවලියට පෙර සිදු කරන බව පුහුණුකරු ඇන්ඩෘ මැක්ඩොනල්ඩ් පවසනවා. 

වර්තමාන ආරම්භක පිතිකරු ඩේවිඩ් වෝනර් සිඩ්නිහිදී ලබන සතියේ ඇරඹෙන ටෙස්ට් ක්‍රිකට් තරගයෙන් පසු සමුගන්නා බව ප්‍රකාශ කර තිබෙනවා.

ඒ අනුව නව ආරම්භක පිතිකරු නම් කිරීමට සූදානම් බවයි ඔස්ට්‍රේලියා පුහුණුකරු පවසන්නේ.

ක්‍රීඩකයන් හය දෙනෙකු කෙරෙහි අවධානය යොමු කර ඇති බව සඳහන් කරන ඔහු, කැමරුන් ග්‍රීන් එක් විකල්පයක් ලෙස හඳුන්වා දී තිබෙනවා.

කැමරුන් බැන්ක්‍රොෆ්ට්, සහ මැට් රේන්ශෝ ද අවධානයට ලක්වූ ක්‍රීඩකයන් ලෙසයි දැක්වෙන්නේ.

සියයට හැත්තෑවක පමණ ප්‍රහාරක වේගයක් පවත්වා ගන්නා ලකුණු සාමාන්‍ය හතළිස් පහක රැඳී සිටින ආරම්භක පිතිකරුවකු සොයා ගැනීම එතරම් පහසු නැති බවයි ඇන්ඩෘ මැක්ඩොනල්ඩ් සඳහන් කරන්නේ. 

එවැනි දස්කම් දැක්වූ ඩේවිඩ් වෝනර් තරග රටා තුනෙහිම  විශිෂ්ටයෙකු බවද මැක්ඩොනල්ඩ් පෙන්වා දී තිබෙනවා.

NSWහිදී මෝර ප්‍රහාරයට ලක්වූ Surfing ක්‍රීඩකයාගේ පාදයක් වෙරළට ගසාගෙන එයි

නිව් සවුත්වේල්ස් ප්‍රාන්තයේ පෝට් මැක්වාරි හිදී (Port Macquarie) මෝරෙකුගේ ප්‍රහාරයකට ලක්වූ සර්ෆින් ක්‍රීඩකයෙකුගේ පාදයක් වෙරළ තීරයට ගසාගෙන ඒමේ සිදුවීමක් වාර්තා වනවා.

Read More »