කවාජාගේ පාවහන්වල දරුවන්ගේ නම්

පාකිස්ථානයට එරෙහි දෙවන ටෙස්ට් ක්‍රිකට් තරගයේ පළමු දිනය අවසන් වන විට ඔස්ට්‍රේලියාව කඩුළු තුනකට ලකුණු 187 ක් ලබා සිටියා.

තරගයට ඊයේ පස්වරුවේ වර්ෂාවෙන් බාධා මතුවූ නිසා පළමු දිනය තුළ ක්‍රීඩා කළ හැකි වූයේ පන්දුවාර හැට හයක් පමණයි.

දිනය අවසන් වන විට මානස් ලබුෂේන් නොදැවී ලකුණු 44 ක් සහ ට්‍රුවිස් හෙඩ් නොදැවී ලකුණු 9 ක් ලබා සිටියා. 

උස්මාන් කවාජා ලකුණු 42 කට දැවී ගියා අතර, ක්‍රීඩා කරන අතර පැළඳ සිටි පාවහන්වල ඔහුගේ දරුවන් දෙදෙනාගේ නම් සටහන් කර තිබීම විශේෂත්වයක්. 

ඔලිව් අත්තක් රැගත් පරෙවි රුවක් සටහන් කිරීමට සූදානම් වුවද ICC වෙතින් ඊට අවසරය හිමිවූයේ නැහැ. 

එහිදී කවාජා ICC වෙත චෝදනා කළේ විටින් විට ඔවුන් විවිධ ප්‍රතිපත්ති අනුගමනය කරන බව සඳහන් කරමින්. 

තරගයේදී ඩේවිඩ් වෝනර් ලකුණු 38 කට දැවී ගිය අතර හිටපු සුපිරි ක්‍රීඩක මයිකල් හසී කියාසිටියේ ඔස්ට්‍රේලියාව සාම්ප්‍රදායික ආරම්භක පිතිකරුවෙක් යොදාගත යුතු කාලය එළඹ ඇති බවයි.

අද තරගයේ දෙවන දිනයයි.

මීයෙක් නිසා ඇරඹුණු ශ්‍රී ලන්කන් ගුවන් ගමන් ප්‍රමාදයට විසඳුමක් ලැබෙන දිනය මෙන්න

ශ්‍රී ලන්කන් ගුවන් සමාගමේ ගුවන් ගමන් ප්‍රමාදය සහ අවලංගු වීම් යථා තත්ත්වයට පත්වීමට තවත් දින 5ක් පමණ ගත වනු ඇති බව එම සමාගම පවසනවා.

Read More »

පැතිර යන රෝගයක් නිසා සෞඛ්‍ය අනතුරු ඇඟවීමක්

රෝහල් හදිසි ප්‍රතිකාර අංශයකදී කුඩා දරුවෙකුට සරම්ප වැළඳී ඇති බව තහවුරු වීමෙන් පසුව නිව් සවුත්වේල්ස් ප්‍රාන්ත සෞඛ්‍ය අංශ විසින් බටහිර සිඩ්නි ප්‍රදේශයට සරම්ප අනතුරු ඇඟවීමක් නිකුත් කර තිබෙනවා.

Read More »

මාරාන්තික කුරුලු උණ වෛරසයක් නිසා ඔස්ට්‍රේලියා සෞඛ්‍ය අංශ අවධානයෙන්

ගෝලීය වශයෙන් මිලියන ගණනක් සතුන් මරා දැමූ H5N1 කුරුළු උණෙහි විනාශකාරී ප්‍රභේදයක් ප්‍රථම වරට ඇන්ටාක්ටිකාවේ ප්‍රධාන ගොඩබිම් කලාපයට ඇතුලත්ව ඇති බව අනාවරණය වී තිබෙනවා.

Read More »