මෙල්බන්හි මගීන්ට පොදු ප්‍රවාහන සේවා භාවිත කරන ලෙස උපදෙස් නිකුත් කර තිබෙනවා.
උත්සව සමයේදී බොහෝ පිරිසක් නගරයේ ගැවසීම නිසා රථවාහන තදබදයක් නිර්මාණය වන බවයි, බලධාරීන් පවසන්නේ.
වෙස්ට් ගේට් ෆ්‍රී වේ හි ප්‍රතිසංස්කරණ ව්‍යාපෘති දෙකක් ක්‍රියාත්මක වෙමින් තිබෙනවා.
ඒ හේතුවෙන් මංතීරු තුනක් වසා තැබීමත් රථවාහන තදබදයට හේතුවක් බවයි සඳහන් වෙන්නේ.
මෙම ප්‍රතිසංස්කරණ ජනවාරි 4 තෙක් ක්‍රියාත්මක වෙනවා.
සාමාන්‍යයෙන් පැය භාගයක පමණ ප්‍රමාදයක් මාර්ග ආශ්‍රිතව සිදුවිය හැකි නිසා, පොදු ප්‍රවාහනය භාවිතය වඩා සුදුසු බවයි, බලධාරීන් සදහන් කරන්නේ.
