වාර්ෂිකව පැවැත්වෙන සිඩ්නි සිට හෝබාර්ට් දක්වා බෝට්ටු තරඟාවලිය සඳහා යාත්‍රා 103ක් මෙවර එක්වෙනවා.
78 වන වරටත් සංවිධානය වන මෙම තරඟාවලිය සඳහා ජ්‍යේෂ්ඨ මෙන්ම නවක යාත්‍රාකරුවන් එක්වීම ද විශේෂත්වයක්.
මේ අතර ජ්‍යේෂ්ඨ තරඟකරුවකු වන ජෝන් ටවුන්ලි සහ ඔහුගේ පුතුන් දෙදෙනා ද මෙවර තරඟාවලිය සඳහා එක්වන අතර තරඟාවලියේ ලාබාලතම තරඟකරු වශයෙන් ඔහුගේ 16 හැවිරිදි පුත් මැතිව් ටවුන්ලි එක්වෙනවා.
කෙසේ වෙතත් ලාබාලතම තරඟකරු වන මැතිව් සඳහන් කළේ තමන් පළමුවරට මෙවැනි තරඟාවලියක් සඳහා සහභාගිවන බවත් ජයග්‍රහනයට වඩා සහභාගීත්වය සහ අත්දැකීම් එක්කර ගැනීමට තමන් සුදානමින් පසුවන බවයි.
මේ අතර ලෝකනෙක්ට් කණ්ඩායම සමග එක්ව මෙවර තරගාවලියට ශ්‍රී ලාංකිකයෙක් ද ඉදිරිපත්ව තිබෙනවා.
පවතින අයහපත් කාලගුණය මත මෙවර තරගාවලිය අතිශය අභියෝගාත්මක වන බවටයි මත පලව තිබෙන්නේ.
