ප්‍රවාහන ක්ෂේත්‍රයේ වායු විමෝචනය නිසා ඔස්ට්‍රේලියා ජාතිකයන් 11000 ක් වාර්ෂිකව අකාලයේ මිය යන බව මෙල්බන් විශ්ව විද්‍යාලය පවසනවා.
සිදුකළ දිගු කාලීන අධ්‍යයනයකින් එය තහවුරු වී තිබෙන්නේ.
රථවාහන ධාවනයට යොදාගන්නා ඉන්ධනවල ප්‍රමිතිය වැඩි කිරීමෙන් අයහපත් සෞඛ්‍ය බලපෑම් අඩු කළ හැකි බව ද විශ්ව විද්‍යාලය පෙන්වා දී තිබෙනවා.
භාවිත කෙරෙන ඉන්ධනවල ප්‍රමිතිය වැඩි කිරීමටයි රජය සැලසුම් කළේ.
එය සෞඛ්‍ය ගැටලු රැසක් විසඳීමට හේතුවන බවටයි, විශ්වාස කෙරෙන්නේ.
ඉන්ධන ප්‍රමිතිය වැඩි කිරීමෙන් අහිතකර කාබන් ඩයොක්සයිඩ්, කාබන් මොනොක්සිඩ් ඇතුලු වායු රැසක් විමෝචනය අඩු කිරීමේ හැකියාව පවතිනවා.
නව සැලසුම් හේතුවෙන් වසර 2040 වනවිට සෞඛ්‍ය හා ඉන්ධනවලින් ඩොලර් බිලියන 6 ක් ඉතිරි කළ හැකි වෙතැයි ද විශ්වාස කෙරෙනවා.
