අද සවස් කාලයේ සහ රාත්‍රියේ වික්ටෝරියා ප්‍රාන්තයේ ප්‍රදේශ කිහිපයකට වර්ෂාව සහ සුළං ඇතිවිය හැකි බවයි කාලගුණ කාර්යාංශය සඳහන් කරන්නේ.
නිව් සවුත් වේල්ස් සහ වික්ටෝරියා සීමා ආශ්‍රිත ප්‍රදේශයේ අඩු පීඩන කලාපයක් නිර්මාණය වී තිබෙනවා.
එහි ප්‍රතිඵලයක් ලෙස ප්‍රාන්ත තුනකට අයහපත් කාලගුණයක් ඇතිවිය හැකි බවටයි විශ්වාස කෙරෙන්නේ.
ක්වීන්ස්ලන්ඩ් සහ නිව් සවුත් වේල්ස් වෙතටද දැඩි සුළං සහ ධාරාණිපාත වැසි ඇතිවන බවයි කාලගුණ කාර්යාංශය සඳහන් කළේ.
ප්‍රාන්ත තුනෙහි එළිමහන් නත්තල් සැමරුම්වලට මෙම කාලගුණ තත්වය බලපානු ඇතැයි විශ්වාස කෙරෙනවා.
