ඔස්ට්‍රේලියාව ආසන්න මුහුදේ ගිලී පවතින ගිනිකඳු කිහිපයක් සොයා ගැනීමට විද්‍යාඥයන් සමත්වුණා.
මුහුද යට වර්ග කිලෝමීටර් 20,000 ක ප්‍රමාණයක් අධි තාක්ෂණික උපකරණ භාවිතයෙන් අධ්‍යයනය කෙරෙනවා.
ඊට ජාත්‍යන්තර සහාය ද ලැබී ඇති බවයි විද්‍යාඥයන් පවසන්නෙ.
මුහුදු පතුල ත්‍රී ඩී තාක්ෂණය ඔස්සේ නිරීක්ෂණයට ඒ යටතේ පියවර ගෙන ඇති බවයි, සඳහන්.
මෙතෙක් හෙළි නොවූ ගිනි කඳු පද්ධතිය තස්මේනියාවේ සිට ඇන්ටාක්ටිකාව දක්වා ප්‍රදේශයේ ව්‍යාප්තව පවතින බවයි විද්‍යාඥයන් පෙන්වා දෙන්නෙ.
ඉන් ඇතැම් ගිනි කඳු කිලෝමීටර් 1 යි දශම 5 ක් පමණ උස බවත්, ගිනි කඳු පද්ධතිය අක්‍රීය බවත් අධ්‍යයනයේදී හෙළිව තිබෙනවා.
